من نوادر سليمان الهويدي

[Aziz]

الغني والفقير ,,,,

لا واهني اللي رصيده ملايين = ومضاه في راس القلم يقبلونه
وبواخره تمشي بكل البلادين= ومحمله من كل شكلن نمونه
وعنده عيالن صالحين و رشيدين= لي غاب والدهم هم يمثلونه
وبيته يعانق شاقات الضلاعين = تلقى الحمام مبيضن في ركونه
وديوانه اكبر مابني بالدواوين=مفتوح واجواد العرب يدهلونه
فيه الخدم متكاملين مطيعين=من جا لهديوان بيباشرونه
ولي صارت الريضان مثل البساتين =ما طاب من ريضانها ينزلونه
تلقى الخزاما والنفل والرياحين=تطرب لها الورقا وتزعج فنونه
وثلاث جاراتن بنات مزايين =ببيت موفر كل مايشتهونه
مع لابتن تنطح وجيه الشياطين=عزن لهم وهم يتفادون دونه
هاذي الحياه اللي لها الناس شفقين=ومن غر منها يا حياة المهونه
اشوى من اللي ياخذ الدين بالدين = وطلابته براس الشهر يبلشونه
ومع الفقر عنده بزور ونساوين=يبون حاجتهم ولا يعذرونه
يقضي معاشه مامضى الشهر يومين=الفقر شيبه وشيب عيونه
عايش ولكن عيشة الفقر مسكين=كنه مصخن وهو ما به صخونه
يالله ياقابل صلاة المصلين =انك تقوم بعونا ثم عونه

[مصلح]

وعنده عيالن صالحين و رشيديـن
لي غـاب والدهـم هـم يمثلونـه

عزيز لاهنت على الاختيار الرائع

صح الله لسانك ولسان الهويدي

[فلاح بن ملبز]

لاهنت يا عزيز على الاختيار الرائع
وصح لسانك ولسان سليمان الهويدي
ولك مني جزيل الشكر والتقدير

[@منسـ على ددسن ـــم@]

عزيز
صح السانك


لاهنت ياذيب

[مربوش]

وديوانه اكبـر مابنـي بالدواويـن=مفتوح واجـواد العـرب يدهلونـه

الله لا يهينك

[النقال]

صح ألسان القائل والناقل والله يعطيك العافية ياعزيز ويجمّل حالك
أخوك النقـــــــــــــــــــــــال

[الخريف]

لاهنت اخي عزيز

وصح لسانك ولسان الهويدي

ويعطيك العافيه

[Aziz]

الله لا يهينكم جميعا على المرور


لكم احترامي

[بــن مــلــبــز]

يعطيك العافيه أخــوي :

( Aziz )

وصـح لسـانك ولسـان الشـاعر أبن هـويـدي

أخــيــك

...
..
.

[Aziz]

شكراا على مروركم جميعا