السلام عليكم ورحمة الله وبركاته
قصــــــيــــدة إهــــــــــــداء
لـ فهيد بن ناصر بن قاسي الرويبي السبيعي
بمناسبة حفل زواجه
وهي قليل في حق ابو ناصر وربعه
اقول
مابديت الا بذكر اللي وهب نفسي غناتي
الإله اللي خلق دنيا الفنا واللي بناها
نعبده سبحانه ولرضاه بنقيم الصلاتي
اذكر الله مبتداها واذكر الله منتهاها
يا قصيدي فـ اللوازم خابرك تفزع وتاتي
غيمة أبياتي تهايل يوم برق الفرح جاها
هذي الليله فرحنا شلع بنا النايفاتي
ثم نصينا اللي ضيوف الدار هي تكرم لحاها
في محل الشيخ ناصر هو زبون الجايراتي
والاسود تخلف أشبالٍ على سيرة خطاها
جيت أبارك وأتمنى له سنينٍٍ عامراتي
من غلاكم ما حسبنا للمسافات وعناها
يالخوي اللي عرفته فـ الليال الكايداتي
كم ليلٍ قال لي أبشر وبجلي لك غثاها
وكم ليل أجيه ضايق وأسري ولاني بحاتي
وكم ليلٍ أحتزم به والصعايب هو وطاها
كل ما كبرت يقول إبن الرويبي لا تحاتي
نادرٍ يستاهل العليا إلى منه رقاها
لا دعاني داعي سبيع الكرام أشوش وآتي
حشمة للابه اللي لمجدها تشهد عداها
في محل سبيع جينا والمدايح عاجزاتي
تعجز أبيات القصايد لا توصلها وفاها
لا غزيتوا والبخوت كبار ناحت نايحاتي
وأنتوا وساع البشوت اللي يذريهن ذراها
قلت هذا بالنيابه عن بني عمٍ دهاتي
ربعي العجمان هم درعي إلى دارت رحاها
لابتي هل القنازع يوم هن محزماتي
عقب اللي فـ المنابر لابته سج ونساها
وأختم أبياتي بذكر الله خير الخاتماتي
والنبي عليه صلوا خير من أرضه وطاها
وسلامتكم ,,,
02-11-2012, 05:02 AM
..~
العرض العادي
