يا ليت العرب ما تفترق..

[ابو سالم الدويخ]

ياليـت العـرب ماتفـتـرق والشـبـاب يــدوم
يـوقـف عـلـى خـمـسـه وعـشـريـن عـــدّاده

حسافـه علـى عمـر مضـا بيـن ليـل ويــوم
قـضـا ماحسبـنـا لاخــر الـوقـت وجـهــاده

قضينـاه فـي غفلـه وطربـه بــدون هـمـوم
علـى الارض نمشـي كـن مـاحـن بـشـداده

نشـوف السمـاء فالليـل ماكـن فيـه نجـوم
وعــن حــر جــو القـيـض مـاحـن بـنـشـاده

بنيـنـا مــن الآمــال فــوق الـرجـوم رجــوم
ومـهـمـا عـطـانــا وقـتـنــا نـطـلــب زيــــاده

تسـابـق ليـالـي العـمـر للمـوعـد المحـتـوم
وحـنـا نحـسـب ان العـمـر والـزمـن عـــاده

وهلحين جاء مـن بعـد ذيـك العلـوم علـوم
عـلــوم تـحـطـم هـقــوة الــرجــل ومــــراده

صحينا كما يصحى راع ِالرقده من النوم
بـعــد غـفـلـة فـــي لـــذة الـنــوم ووســـاده

عرفـنـا حقيـقـة وقـتـنـا الـزايــف الـمـوهـوم
وراع ِالسابقـه عـن ظهـرهـا نــزل اشــداده



سواآلم..

[ابورامي]

ابو سالم صح لسانك وتسلم قصيده ممتازه انت ذوق الله يعطيك العافيه جميله

[صاحب المعرووف]

صح لسانك
قصيده جميله ومبدع يابن دويخ

[●• Ŝђǿǿq •●]

تِسلًم يمينكـً ..~

[مقبل العرجاني]

أختيار موفق للقصيده


سلمت يداك على هذا الأختيار

[ابو سالم الدويخ]

المشاركة الأصلية كتبت بواسطة ابورامي

ابو سالم صح لسانك وتسلم قصيده ممتازه انت ذوق الله يعطيك العافيه جميله

صح بدنك يبو رامي

و جعلك تسلم من الشر

و الأميز و الاذوق مرورك طال عمرك

[ابو سالم الدويخ]

المشاركة الأصلية كتبت بواسطة صاحب المعرووف

صح لسانك
قصيده جميله ومبدع يابن دويخ

صح بدنك يا صاحب المعرووف

و الإبداع مرورك طال عمرك

[ابو سالم الدويخ]

المشاركة الأصلية كتبت بواسطة ●• Ŝђǿǿq •●

تِسلًم يمينكـً ..~

جعلش تسلمين من الشر يا شوق

ولا هنتي ع المرور المنور

[ابو سالم الدويخ]

المشاركة الأصلية كتبت بواسطة مقبل العرجاني

أختيار موفق للقصيده


سلمت يداك على هذا الأختيار

الله يعطيك العافيه يا مقبل

و جعلك تسلم من الشر طال عمرك

ولا هنت ع المرور المنور

[علي الرطام]

صح لسانك يبو سالم