هاذي قصيدة كنت في دورة عسكريه دراجات ناريه في الطائف
اول اسبوع جات أمطار على ديرتنا ( العين ) في عليه وسالت العين
وقلت القصيده هذي مسندها لرئيس الدوره ( منيس الناهسي الشهراني )
الله يذكره بالخير ويوفقه
يامنيس يا ريس الدوره سلام الله
تسليمٍ وافيه من دون نقصاني
مشكاي للي شكا له كل عبدٍ له
من بعده اشكي لناهس روس شهراني
العين سالت وعيني دمعها تهله
ودي بمد النظر في قاع جداني
من يوم جيتك وانا في خاطر عله
من صاحب لا قدرت اجيه ولا جاني
بيت له في خفوقي منزل وفله
مدري وش اللي وسط قلبه على شاني
يامنيس قلبي تقطع والحشا كله
ليته مثل ما تباطيته تباطاني
الله يقطع شهار ويقطع الحله
شبرا وجيش وهدا وقرود تبراني
الله يقطع هداه وطايفه كله
ديار شينه وفيها نفوسٍ شياني
نذرٍ علي يا عليّه لا آصلش والله
ان كان ربي كتب لي عمر واحياني
ثاني ثلاثه وعفشي كله اشله
من فوق قطاعات الدير بالثواني
والبوصله ترشد الطيار وتدله
صوب الديار العذيّه دار خلاني
طيارها من هل الاسلام والمله
يتلها تلة الضميان للساني
ربطت الحزام ويماني بأمان الله
من شلعت في السماء غنيت قيفاني
ثم وقّعت فـ الرياض وقلبي يتله
شوقٍ على دار ربعي تبلاني
ياما حلا مع نشامى زلة الدله
فديار عز وكرم ذربين الأيماني
هذا كلامٍ في صدري غاديٍ مله
صدري تضايق وقتم اجاذب ألحاني
وسلامتكم ,,,
28-11-2012, 11:57 PM
قصيدة ايام الدوره في الطائف
..~
العرض العادي
