السلام عليكم ورحمة الله وبركاته
شحالكم جميع ،
متواضعه .. للتواصل 
مازرعت الا كفاحي وما جنيت الا العتاب
وماملت عينك اطعوني وجيت تطعني بعد
كيف ابنسا دام عينك ما يملّيها التراب
كيف اببني فالمحبه وانت تهدم لك بلد
من وطت فالحب رجله دايمٍ يتبع سراب
ذي طبوعش يالمحبه ما اهتنا منّش احد
ياحبيبي لا تكابر دام مقصودك غياب
كف دمعك دام دمعك في عيونك ما برد
الهوى طبعه تجافي والجفا رحلة عذاب
والعذاب اني اشوفك وانت مقفي للابد
والوجع فالقلب عادي ذي مواري انسحاب
والدموع اصدق رساله فالظهور وفالعدد
ما حدن عايش حياته في ذهاب بلا اياب
كل منا عاش عمره في عذاب وفي سعد
فياهني منهو حياته من على متن السحاب
ذايقٍ طعم السعاده وكل مايزرع حصد
وياوجودي وجد عودٍ كل ما قال الصواب
ماخذو فالحرب قوله ولا حكا محدٍ يرد
قامت جروحه تقلب كل صفحات الشباب
لا انتثر دمٍ بسيفه صاح في صوته بعد
اتوجد واتغنا واطرب لـ صوت الغراب
لأن صوته مثل حزني مزعج وكله نكد
وجيت تسألني علامك كيف بعطيك الجواب
والجواب ان المحبه نار والفرقا رمد
ياحبيبي لا تكابر دام مقصودك غياب
وكف دمعك ياحبيبي ما حدن عايش لاحد
وسلامتكم
30-01-2013, 10:30 PM
كيف اببني فالمحبه ، وانت تهدم لك بلد
..~
العرض العادي
