لا تعتذرما للهجر منك تبرير
صدك بليا ذنب والله ظليمه
ما صار لي بعدك يفوق اي تصوير
تجددت كل الجروح السليمه
بعدك لعب بي هاجسي والتفاكير
وقلب جريح وروح صب مهيمه
ما غير اسلي خاطري بالمشاوير
اروح وارجع والهواجس مقيمه
ان كان صدك ماخذك عني للغير
روح ولو ان الخساير وخيمه
وان كنها عني خذتك المقادير
فالعفو عند المقدره فيه شيمه
» يا مرحبا والحب كله معاذير
تشفعلك ايام الغرام القديمه »
يوم الهوى لا زارني منك عصير
اضم في صدري من اجلك نسيمه
واليوم اصبر خاطر الوجد تصبير
واقول صدك عقب وصلك جريمه
لا جاك مني ياهوى البال تقصير
مواقفي وياك والله عظيمه
صخرت لك مشاعر الشوق تصخير
وامطرتك بحب تقفاه ديمه
وضللتك بجفني وصارت مسافير
يوم الغلا بين النديم ونديمه
واليوم ما تنفع كثير المحاذير
تفاقمت بين النفوس الحشيمه
وعسا سنينك روض عشب ونواوير
ومحدا لنفسه يرتضي بالهزيمه
اما تخاويني على الشر والخير
والا السلامه منك راس الغنيمه
وسلامتكم
17-04-2013, 12:06 AM
» يا مرحبا والحب كله معاذير »
العرض العادي
