السبع المثاني

[سلطان ال شريد]

السلام عليكم ورحمة الله وبركاته



مطلع : كلامنا والمشاعر مالهم داعي
مادامها بالفعل حاجات ملغيه
كنت انت معنا القصيد وقمه ابداعي
لكنك الحين صرت اشياء منسيه__

جيتني تايه وفي كفك اماني=جايع اشواق وتبي مني عطيه
واحتضنتك قلب مابين المحاني=قلب طيب مايحب الا خويه !
صاحبي وشلون ماتذكر حناني؟=مايصير اشوف من ايدك اذيه
قسوتك يا صاحبي تشبه زماني=قمت ادور من لهيب الشمس فيه
القلوب تهب بالسبع المثاني =وانت لا هبيت ريحن مهميه
قلت لك يوم ان طاريك خذاني=ماجرا منك ترا ماهو شويه ..!
كان يرضيك الفراق ارجع عشاني=لامتى والنار وسط الصدر حيه
بعترف لك وانت لاتنسى مكاني=انت لاجيت المكان تصير ضيه
اسأل : طيوفك ! وضيقي ! والاغاني=في غيابك صرت مجهول الهويه
ياعظيم الشوق لا منت بـ اناني= مايصير الوصل بالناس الرديه
استحي لاقول محبوبي جفاني؟=قدم وصالك على شاني هديه

__

قفله: في غيابك صورتك قدام عيني
ودمعتي لا شفتها طاحت تبيها
من طيوفك قمت انا اصفق يديني
كل ذكرى جابتك حسبي عليها


اتمنى ان تصل الى قلوبكم

[عبرة وداع]

وعليكم السلام ورحمة الله وبركاته
مبدع كما عهدناك

صح اللسانك ملياار ولا هان نبضك واحساسك

رفع الله قدرك في الدارين واعتلا شآنك

انار الله بصرك وبصيرتك في الدارين

ووفقك لما فيه الخير والصلاح

سلمت ودمت
فالك البيرق

[الـعـابـر]

صح لسانك

[ابورامي]

صح لسانك ولاهنت والى الامام

[عايض بن نايش]

صح لسانك ولاهنت قصيده جزله من جزل