" أول بوح من القلب لقلوبكمـــ "
.
.
.
"كانت لدينا فكرة في الصغر حينما تغيب الشمس نقول: ( طاحت في البحر)
"
.
.
.
تغيب شمسي عند بعض المواني = واقول طاحت للبحر .. <<(فكرة اطفال) ..!
واعيش كل الليل حلم واماني = واصحى مع المذن ../ واقول الفجر طال ..
كنت احسب اني جد فلتة زماني = كنت احسب إني (غ ي ر ) في كل الأحوال ..
ماهمني ضحكة عنود وتهاني = اكشخ واجي سكبه ../ ولا البس ( نعال ) ..
(مغرور)(اهبّل) بس يمكن انااااني= هذا خيالي وقتها../ ياهو هباااااال..
حتى كبرت وصرت انسان .. ثاني = ثقيل شخصيه كذا ../ والبس عقال ..
نسيت وقتي ...حيل مدري نساني = بس الوكاااااد انه اناني ولا زال ..
لين الشعور اللي خذاني خذاني = وحسيت فعلاً .. بالغلا..صد ووصال..
اشواق ..مدري شوق بس اعتراني = لينه بنى في داخلي حلم وآمال..
هدؤ .. مدري صمت .. مدري اغاني = بس الوكااااد انه هنا داخلي (آل ) ..
(آل) لخفوقي .. بالغلا ماجفاني = ونسّّاني اللي مع زماني علي مال
من ضمني صدره غلا واحتواني = حلفت لأبقى لأجلها (وعد رجّال ) ..
واقرّبه اقرب بعد من اخوااااني = بس أمي اللي قبلها ../ قولوا خباااال
عااااادي../ وباعطيها غلاي وحناني = وانحت لها في داخل القلب تمثال ..
اشواق روحي مع غلاي واماني= خليت حبي فيك مضرب للأمثال..
(يا أنسه يا ماكنه ) في جناني =و ياساكنه في داخلي حالتي حال..
مشكور دربٍ في طريقك رماني = ومشكور دمع ٍ لأجلك البارحه سال
تدرين لا من غاب طيفك ثواني..= احس حزني( غ ي ر ) عن كل الأحوال
وتغيب شمسي عند نفس المواني = واقول بأنتظرك أنا .. <<(وعد رجّال) ..!
.
.
.
" عذرا لقلوبكم "
08-09-2005, 02:14 AM
العرض العادي
