ياصاحبي جيتك اشكي لك من احوالي=جيتك ومدامك رفيقي ليه اطولها
العلم ومافيه يأول واخر العمر امالي=عندي رساله ولا ادري كيف اوصلها
للي سبتني وانا من قبلها سالي=ابيك توقف معي وتروح تسألها
وش فيها تفتح علي ابواب عذالي=وتحمل النفس حاجه ماتحملها
وش فيها رغم الوفا تتركني لحالي=وانا لجفاها تركت الدنيا بكملها
ان كان هذا زعل علمها يالغالي=ماكان قصدي ورب البيت ازعلها
علمها كم لي وانا شلت جوالي=كله علشان ماقلب رسايلها
وعلمها وشلون لامرت على بالي=اروح واضم صورتها واقبلها
وعلمها كيف انشغل عن كثرت اشغالي=واسرح واغمض عيوني واتخيلها
علمها عني وعن همي وغربالي=علمها عن كل حاجه في تجهلها
وان شفتها دنقت تبكي على حالي=انسى الكلام وتذكر كلمه وقلها
قل شاعرك يعتذر ويعاهدك تالي=انه يرتب حساباته من اولها
ويقول حتى القصيد اللي على بالي=والله ماعاد اكتبه كانه يزعلها
20-10-2005, 01:22 PM
العرض العادي
