ياسيف عنتر ياحكيم الراي يانعم الشوير (( مدح ))

[جراح بن ضيدان العجمي]

السلام عليكم بعد انقطاعي للنتر نت ولظروفي الحاده .. اعود اليكم ومعي قصيده متواضعه

وهي قصيده في احد اصدقائي الاعزاء ... وابن عمي في نفس الوقت
في الصديق (( عايش ابن احسين الحجاج العجمي ))

صلو على النبي
//
//
//
//
ابدا بذكر االلي رزق طيرٍ بعشه مايطير
////// الواحد اللي يعلّم بسرٍ خفيته والجهار
//
//
من عقبها بمدحك من داخل خفوقي والضمير
/////// ياعايش ابن حسين ياللي منبعك روس الحرار
//
//
اشبّهك في حاتم الطائي وفي فطنة جرير
/////// لك في علوم المرجله منزل ولك ماكر ودار
//
//
وفي فزعتك ماكنّك الا الزير لاجاه النذير
/////// صعب على اللي يوصفك لانك فلك ماله مدار
//
//
ياسيف عنتر ياحكيم الراي يانعم الشوير
/////// الله يجيرك من صدوف الوقت ياكفو القرار
//
//
انت الامير ابن الامير ابن الامير ابن الامير
/////// وانت الكريم ابن الكريم اقولها بليل ونهار
//
//
يالمسك يالعنبر ويالريحان والظلّ الكبير
/////// ياجعل يفداك النذل اللي مهمّاته قصار
//
//
زبن المجنّا والوني ياجابر العظم الكسير
/////// ان اشهد انك واضح كالشمس في وضح النهار
//
//
رزين في ايدينك يهون الصعب والحمل العسير
/////// قول وفعل والناس تدريبك كبيره والصغار
//
//
شهادتك تقدير في سوق المراجل يالذخير
/////// كل العلوم الطيبه والطيب عندك لا مفار
//
//
اسوق لك زين القوافي واعتذر لو هو قصير
/////// واقول لك ماقل دل الله يديمك للديار
//
//
دامك على الدنيا فاانا في خير والعالم بخير
/////// وان صار لك شيٍ ترانا في عداد الاحتضار
//
//
نهرين كفّك مايحاليها الشبه نهر ٍ غزير
/////// اللي يصدّر منه الضامي وييخضر بالقفار
//
//
متربّعن في هامة العليا ولا به لك خشير
/////// لامن نضرتك اشعر بطيبي ولذّة الانتصار
//
//
حاولت اوصف مدّتك والوصف شيّ امن الكثير
/////// لكن عجز وصفي ولا للكايده غير الكبار
//
//
لو فيه مثلك اربعه ماشفت فالدنيا فقير
/////// ولا شكا الشاكي من همومه وكفيه القصار
//
//
الكايدي مهما تكود الناس في يدينك تصير
/////// يامن يمينه لاعطت ماهي تسولف لليسار
//
//
اشبهك مثل النهر ولا البحر ولا الغدير
/////// الا بقول انك عشير الطيب وطوال العمار
//
//
تشوف كل الناس في عينك قريبك والقصير
/////// حسبة اخوانك ماتفرّق ياجوير المستجار
//
//
تمت وصلى الله على المختار والهادي النذير
/////// والله يديممك ياطويل العمر لطوال العمار
//
//
وسـلامتكم
//
//
//
جراح بن ضيدان العجمي
//
//
//

[الجويّر]

يامرحباااااااا ومسهلا بجراح ابن ضيدان وأطلالته الجديده





صــــــــــح لسااااااااااانك واعتلى شانك على هالرائعه اللتي تمتعنا بقرائتها








والله يعطيك العافيه وبانتظار جديدك انشالله







تحياتي / الجويّر

[فيصل بن حجرف]

يامرحبا ومسهلا اخوي جراح
وحياك الله في منتداك من جديد
وصح لسانك على القصيده الجميله

[ناصر بن فالح]

صح لسانك

ولاهنت على القصيده

[فلاح بن ملبز]

السلام عليكم ورحمة الله وبركاته

جراح بن ضيدان العجمي

حياك الله في منتداك مره ثانيه

وصح لسانك مليون على ذا الجزله

ويستاهل المدح ابن عمك / عايش ابن احسين الحجاج العجمي

ولاتحرمنا من مشاركاتك الجميله

ولاهنت

[صـــبـــــــــا]

قصيده افضل من رائعة

قمة في الجزالة وانتقاء الالفاظ

قمة في قوووووه المعاني

قووووووه في العاطفة الصادقة

لاهنت

وتقبل فائق تحياتي وتقديري

أختك : صـــــبـــــــــــــأ

[جراح بن ضيدان العجمي]

الجوير

اررررررررحب ملالالالالالالالالالاين


صح الله ابدنك ولاهنت على تواجدك افدا راسك وخشمك


وجعلك سالم ولاهنت على مروورررررك

[عيد بن شدقان]

عايش ابن احسين الحجاج
يستاهل


وصح السانك واعتلا شانك
يابو ضيدان
ولك تقديري

[مهرة الصمان]

اخي جراح قصيدة جميلة بها احلى المشاعر وابلغ الكلام صح لسانك ولاهنت
ولك تحياتي

[عبدالناصر آل عبدان]

جراح

ارحب ياجراااح


صح السااانك مدد

وانت كفووو وجزل وقصايدك جزله


صح السااانك


تحيااااتي


اسلم وسلم



عبدالناصر