|
العين ما تبكي الا ناس غالين
ذكرتنـي يالعلـم بسنيـن ناسيهـا = مـن الثمانيـن لا سـت وثمانينـي
ياديرتن صاحبي ساكـن ضواحيهـا = الصاحب اللي لجل عزي مخاوينـي
ولاجيت ذيك الديار و حل طاريهـا = قمت آتذكر وليفـي داعـج العينـي
سنيـن ولـت وقفـت مـع لياليهـا = عشرين عام(ن)مضت من بينه وبيني
ليـت الليالـي تعلمنـي بخافيـهـا = مازلت محبوب والا الزين ناسينـي
أوليت بـه معرفـه تقـرب لهاليهـا = واجي مسير لجـل خلـي وياتينـي
واليوم داره خـلا قفر(ن)اراضيهـا = ماكان دوّج بهـا سيـد المزايينـي
يالعين هلي دموعـك حيـل هليهـا = ابكي على دارهم ماضي وهل حيني
وابكي على أيامها يالعيـن وبكيهـا = ومالوم عين(ن)بكت فرقاء المحبيني
هلي دموعك على شانـه وقضيهـا = ليته يشوف الدموع ومافعـل فينـي
وأمثال قدامنـا قـد قـال راعيهـا = العيـن ماتبكـي الا نـاس غالينـي
التعديل الأخير تم بواسطة الجويّر ; 08-12-2005 الساعة 10:51 PM
|
08-12-2005, 10:55 PM
العرض العادي
