يا ما حلا جيات بعض الرجاجيل(اهداء الى ابو حمد)

[راكان اليامي]

يا ما حلا جيات بعض الرجاجيل
________________ينسى بها القلب المعنى همومه


في جيته نعطيه كل التفاصيل
________________من زود حبه قبل ناخذ اعلومه


مقربين التمر قبل الفناجيل
______________والعود الازرق يحترق في قدومه


دلة اعصير تفوح واقنادها الهيل
______________في مجلس(ن)يزهى بجية قرومه


نزرع سوالفنا ونجني المحاصيل
_______________والليل نعرف لا سرينا نجومه


ندرا سوالفنا وندرا المعاميل
_______________من فايح الصفرا نتابع شمومه


سوالف(ن) ما كدرتها التحاليل
__________من صدر من في الضيق يقضي لزومه


فبعض العرب نعطيه كل التفاصيل
_______________من زود حبه قبل ناخذ اعلومه


للشاعر عكام
وسلامتكم

[الاصيل اليامي]

مقربين التمر قبل الفناجيل
______________والعود الازرق يحترق في قدومه


دلة اعصير تفوح واقنادها الهيل
______________في مجلس(ن)يزهى بجية قرومه




الله لايهينك يا راكان على القصيده الرائعه جدا
وصح الله السانك ويستاهل اللي قلهنتها فيه خير (ابو حمد)

[راكان اليامي]

اررررررررحب يالاصيل اليامي

وصح الله بدنك
وتقبل تحياتي

[نبض المعاني]

الأخ راكان قصيده رائعه ويستاهل المدح ابو حمد عسى الله يبطي بيومه

يقول شاعر يام:

ياسعد من حن لابته وغماره
لما قد الصايح يستصيح

شكرا ياراكان

[السلاطين]

راكـــــان اليــــامي

قصــــيده تســتحق أن نقــــف عنــدهــا

وصـــــح لســــان قـــائلـــها و ناقلـــها

سوالف(ن) ما كدرتها التحاليل
__________من صدر من في الضيق يقضي لزومه


فبعض العرب نعطيه كل التفاصيل
_______________من زود حبه قبل ناخذ اعلومه

[abu faisal]

والله قصيدة في قمة الروعه وتستاهل تكون هدية لشخص في قمة الروعه مهداه من شخص في قمة الروعه ايضا,,,,,,,,,,,,,

تحياتي لك ياراكان,,,,,,,,,,,,,,,,,,,,,,,,,,,

[cool]

السلاااام عليكم ورحمة الله وبركاااته

ومن قااااال ساااالم راااكاااان اليااامي وصح لسااانك ولسااان الشااعر

وانت كريم وبو حمد يستااااهل كل خير .

قصيده رااائعه والله يعطيك العااافيه.

كـووول

[ffahad]

قصيدة جميلة وذكرتنى بلبيت هذا

ان كان لاجيتك تجى جيت يمك==== ون كان لاجيتك ماتجى جزت ماجيك

ولشاعر يقصد انة انا اسير عليك ونت ماتسير على معادنى جايك

[ابوحمد الشامري]

اررررررررررحب يا لسنافي
ولا هنت يا القرم على هذا الاهداء من شخصٍ كريم ومن ربعٍ قرومي ولا فيهم اللاش.

تحياتي للجميع على مشاعرهم التي ليست بغريبه عليهم.

لاهنت يا ابو سالم على هذا الاهداء وبيض الله وجهك فالكلمات تعجز عن المقال والمدح في حقك.

[راكان اليامي]

هلا وغلا يابن زابن
واشكرك على الرد
وصح لسانك

تحياتي