عبيد بن جلبان ال حبيش

[حبيب]

اعضا منتدا العجمان

السلام عليكم ورحمة الله وبركاته

هذه القصيده لعبيد بن جلبان ال حبيش العجمي

عند العصر عديت في مبريه = ودموع عيني غرقت هدبانها

وردت انا والبل عد(ن)عيلم = يوم انتحت مازرفلت حشوانها

واثر سبر القوم يشبح فينا = من فوق قبا" واقف بعنانها

عود على قومه يبشرهم بنا = قال البل صدير واقبضوا رعايانها

خيل(ن)بليل(ن) جاتنا عند ابلنا = ضيعت انا من بندقي صوانها

نعم براشد يوم جاونا عندها = راشد بيسر البل وانا بيمانها

راشد عقر له سابق (ن) مرشوشه = خلاف العضود وتو سير ابطانها

وان عقرت اللي كبير راسها = صم الحوافر سودسو ا حذيانها

كله لاعينا اللي بهول(ن) شقها = حليبها يصفق على سيقانها

وكله لاعينا الفاطر ام الفحل = كبيرة الجمهات بين اذانها

وكله لا عينا البكره العمليه = رديفها مامل من حجبانها

وكله لاعينا اللي دقيق حسها = أتنشد الطرشان من خلانها

وانا عبيد البل وانا عبد لها = والبل لها شان ونا من شانها

والبل لاجا العيد فانا عيدي عندها = يوم العذارا نسفت غطيانها

مانيب راعي جمة مدهونه = بين العذارا يعجبه دهانها

ونا احمد الله يومني من لابه = اهل القنازع لارقص شيطانها

وهذا اللي استطعت الحصول عليه من قصيدة عبيد


والمعذره عن التقصير



حبيب