أول مشاكلنـا قضـيـة فلسطـيـن=و الثانيـه مـن مانعيـن الجهـادي
ياما صبرنا ايـام وشهـور وسنيـن=ستيـن عـام معرضيـن السنـادي
كم مرة في مجلـس الأمـن شاكيـن=نشكي على مـن باعنـا بالمـزادي
شـي يجـذ القلـب ويبكـي العيـن=من هول مايحصل يـذوب الجمـادي
في كـل يـوم يندبـون المساكيـن=يذوب من صـوت الثكـالا الفـؤادي
شارون ذاقـو مـن يديـه الأمريـن=احـد ذبـح و احـد لسجنـه يقـادي
هد المبانـي فـوق روس المقيميـن=واهل البلـد لبسـو ثيـاب الحـدادي
جنين اهلها تحت الأنقا ض جـا ثيـن=والمسلمـيـن مكبلـيـن الأيــادي
نادوبعالي الصـوت ويـن الوفييـن=والمعتصم ماسمع صـوت المنـادي
ما جاوب الأ ( ايات ) صوت المنادين=بالـدم والـروح الكريمـه تـفـادي
شظـيـة تفـجـرة بالمـعـاديـن=من غيرها عن عـزة النفـس ذادي
وجيرانهم عن سير الأحـداث لاهيـن=بحمايـة حـدود العـدو بالـحـدادي
ياحيف صـارو للمعـادي محاميـن=ولا اظن حاديهم علـى الـذل حـادي
بشارومبارك عسـى فالهـم شيـن=وابن الحسين اللـي سـواة القـرادي
يومه طغى شارون صـارو ذليليـن=وضاعت على حسني كثيـر الـدوادي
مثل النعامه تدفـن الـراس بالطيـن=تبغي النجاه وباقـي الجسـم بـادي
مامنهم اللي فـاد بالعسـر والليـن=لوان عددهم صـار مثـل الجـرادي
صـارو عبيـد للمعـادي موالـيـن=ومسلطيـن فـوق روس العـبـادي
اليا دعاهم بـوش جولـه مطيعيـن=ولوداس فوق رقابهـم شـي عـادي
ورايس توجهم الـى يسـار ويميـن=كل(ن)مجـودة علـيـه الـشـدادي
وان قال بـاول قالـو اميـن اميـن=ماقلت تـم ومـن يخالفـك غـادي
لاتحسبناعـن اهـل القـدس داريـن=تسلـم لنـا واهـل البلـد لنـفـادي
وان قال قولـو يالوجيـه المسميـن=شارون يحكم فـي جميـع البـلادي
قالو على ماتشتهـي قول—راضيـن=وفـر لنـا ياذيـب كـرسـي وزادي
ولو بعتنا بالسوق لرضـاك شاريـن=ولـو طليـت اوجيهنـا بالـسـوادي
ونقول ياهل العرف واهـل القوانيـ=ويـش رايكـم ياطيبيـن المـبـادي
اهل السياسه حيصـرو بيـن ناريـن=واهـل العمايـم طولـو بالـرقـادي
يـوم الامريكـي يستفـز المصليـن=وفي كـل يـوم بالمصليـن عـادي
مـادام جيبـه عامـره بالملايـيـن=وكل(ن)على مجهود بوش اعتمـادي
والله مايسمـع لكـم بـوش ويليـن=الا ان يجـي منكـم فعـول جـدادي
عن الامريكـي تقطعـون الشراييـن=حتى يبـوش بـوش علـم وكـادي
تكفون لـو نخسـر كثيـر البلاييـن=العـز ياهـل العـز غايـة مـرادي
تلقـون باليابـان والهنـد والصيـن=اللـي يساعـد بالليالـي الشـدادي
ويش تحترون استدركو الوضع بالحين=تحركـو والجمـر تحـت الرمـادي
كانـت فلسطيـن وقفاهـا العراقيـن=وباكـر بيقفاهـا البخيـل العـنـادي
الزود ياهل الـزود شـال الفراعيـن=يامـن يعلـم كـل خبـل ربــادي
اللي يحسب النـاس ماهـم بداريـن=يدري بهـا حتـى اللـذي بالمهـادي
ماينفـع الخايـف ولايقضـي الديـن=من الحضـر وألاساكنيـن البـوادي
الله الأحـد خالـق ورزاق ومعـيـن=ولاعـاد حـق الابقـدح الـزنـادي
تكفون دون الأرض والعرض والديـن=شـدو الـحـزام ورددو للهنــادي
قومو عليهم قومـة تعجـب العيـن=يفرح بها مـن هـو لثـاره ينـادي
حتى يجي يـوم مثـل يـوم حطيـن=يجلا سنيـن مـن القهـر والنكـادي
19-05-2004, 09:26 PM
العرض العادي
