اقتباس:
|
المشاركة الأصلية كتبت بواسطة رهايف
أحبتي له اهدي مشاعري .. ولكم اهدي خواطري
مع صادق وفائي لكم .. وعذرا لغيابي!!
من غروب الشمس لين الصبح يطرق بابك
النفـَـس يركض يحاتي جيتك وقدومك
ابرك الساعات يوم اكفوفنا تتشابك
والحـياة تدب فيني يوم اضم اهدومك
غايبٍ يانـور عيني بس انا فـ غيابك
ماأحـس الا وكنّي بين حضن حلومك
انثنى قلبي على بشتك يشم أطيابك
يرتشف نشوة خزامى في ثنايا اكمومك
تطرب الساهر ترانيمك وريح اثيابك
والقصايد عانقت شمسك وعز انجومك
ماعلي ان تهت في روضك فدى باسبابك
عذري اني ياحلال القلب من مقسومك
كيف ابضما الحب عمري دام انا بركابك
لاحشا ماهز قلبي غير شهد اسهومك
ان سجد قلبي على روض الغلا يزهى بك
عذره انه ذايبٍ لاقصاه بين غيومك
قلت يفدى لك خفوقٍ ماقوى يصخى بك
بحتري وارجي هطول الغيث من منضومك
من عرفتك والغلا يلثم مواطي ترابك
فارسي ياروعة الدنيا هلا بقدومك
|
الله الله
صح السانك يا رهايف
قصيده فى قمة الروعه
وحبك وسبك وابداع
صح السانك ودام ابداعك
بانتظار جديدك
01-06-2006, 03:20 PM
العرض الشجري