شــيــخـــة بــنــات

[سالم بن جخير]

يقول من يهوى ركوب المسرجات= لاجيب طاري للسيوف وسلـّها

ياسامعي والاوله من الاولات= تنبيك عن باقي علومي كلها

ترى حلاة الشي لاجاله طرات= واللي تجي في حلها في حلها

شبـّه وبرّاد وثلاث مهيّلات= هاذيك اركدها وذيك ازلها

فلة حجاج وطيب راس وطيب ذات= ياقلها في وقتنا ياقلها

في ذمتي ذمه كأن المفردات= تصيح باسمي يابن عارج سِلّها

والله لعديها حدود النايفات= مادمت اميـّز دقها من جلها

والكلمه اللي جات مدري كيف جات= زلـّه وشرهتها على من زلّها

ياللي تقول النوم أخير من الصلاة= شوري عليك أد الفروض وصلها

يامل قلبٍ بين ود وبين هات= والعين من كثر السهر ياملــّها

لاجيت بانسى واعتبر مافات مات= استرجع افكار الحزن واحتلها

وابكي على الفرقا ولكن في سكات= ماهوب شرط ان الدموع أهلها

عليك يانبضي ويا سر الحياة= ياللي غلاها عَزها ما ذلها

شيخة بنات وعلّمي كل البنات= سبحة غلانا مانويت أفلها

مالك غنى عني وانا مالي غنات= والحاقده منهم تموت بغلها

انتي صفاتك غير عن كل الصفات= اضيع فيها لابغيت ادلها

ريقك عسل واساوره سكر نبات= وشفاك ماتبخل عليه بظلها

لبّى البراقع والغطاوي والعبات= يازين سكبتها ومصعب شلها

عندي ثلاث اشياء في قلبي ثبات= والله مااخليها لاقالو خلها

شوفك وشوف الما وممشىً فالنبات= لاخيروني قلت أبيها كلها

سالم بن جخير

[عـزام]

يعنى يوم قلت نادر شاعر الرومانسيه والغزل الاول رحت تنافسه

ارررررررررررحب يا ابو نادر

عندي ثلاث اشياء في قلبـي ثبـات=والله مااخليهـا لاقـالـو خلـهـا

شوفك وشوف الما وممشىً فالنبات=لاخيرونـي قلـت أبيهـا كلـهـا

جعل قلبك ما يجيه الطمس ما خليت شى زين الا تبيه

وافى يا ابو نادر وهذى وافيه وجزله لله درك

صح السانك مدد لا عدد

ودعتك الله يالقرم

[وريث العز]

ابن جخير
وكيل الجزاله الاول لله درك يالسنافي وصح الله لسانك وانت كفو وشاعر ف تجيد انواع القصيد

[الفهد10]

السلام صح الساك ياشاعر ..

[زمانك]

لاهنت يا شااااااعر وصح الله السانك

[محمد سالم الشاعر]

شبّـه وبـرّاد وثـلاث مهـيّـلات
هاذيـك اركدهـا وذيـك ازلـهـا

فلة حجاج وطيب راس وطيب ذات
ياقلـهـا فــي وقتـنـا ياقلـهـا

في ذمتـي ذمـه كـأن المفـردات
تصيح باسمي يابـن عـارج سِلّهـا






وابكي على الفرقا ولكن في سكات
ماهوب شـرط ان الدمـوع أهلهـا





مالك غنى عني وانا مالـي غنـات
والحاقـده منهـم تمـوت بغلـهـا






عندي ثلاث اشياء في قلبـي ثبـات
والله مااخليهـا لاقـالـو خلـهـا

شوفك وشوف الما وممشىً فالنبات
لاخيرونـي قلـت أبيهـا كلـهـا




شاعرنا سالم العرجاني.. صح اللسانك يا بو نادر

الشهاده مجروحه.. الله درك يا رجل

كل الود لك

[فزاع]

سالم يعطيك العافيه
وصح لسانك ياكحيلان

[رهايف]

المبدع سالم بن جخير ..

ولي مع الأبداع موعد ..

ومع الشموخ موعد آخر ..

أبحرت في عمقها فلم اجد ..

الا مجدافاً رصع بالذهب ..

وموجاً إكتساه الهدوء ..

هدوء الحرف الراقي ..

وتألق الكلمة الجزلة ..

لن ازيد تعليقا ..

فما يختلج في النفس اسمى ..

وماتحتضنه الجوارح ارقى وانقى ..

اعجااابي بشعرك سيدي ليس وليد الساعة ..

ولا يحتاج الى براهين ..

شامخ دائما في طرحك ..

واتوق شفغا الى حروفك النقية ..

تظل استاذاً وأظل أنا تلميذة تلتهم إبداعك !!!

[سالم بن جخير]

الشايب عزام


لاهنت على المرور الكريم


وانت اسنافي وشايب وكبير سن وعلومك كلها غانمه


ودعتك الله وسلم على شايب الرحمان نادر

[صقر البدو]

صح لسانك يابن جخير ولاهنت وانت شاعر مبدع