البنت ومرة ابوها .. لاتفوتكم

سعد القوي · #1 01-06-2006, 02:17 AM

القصه واضحه من الابيات اسمعوها بصوت البنت

بصراحه حزنتني

اضغط على الرابط عشان تسمعها بصوت البنت..

http://www.b7r1.com/up/uploading/albar7a.rm

البارحه في تالي الليل محتار = مدري وش آخذ من علوم ٍ واخلـّـي
من كثر همي دمعتي كنها انهار = باسباب فقد امي دموعي تهلــّـي
تزوج الوالد وهو مكرم الجار = زوجه جديده قلت ذا منوة ٍ لـــي
لكن علينا ياعرب ضاقت الدار = قامت تعاملنا بحقد ٍ وغلــّي
تعذيبها ياربعنا سرّ وجهار = اعجزت ابا وصّف عذاب ٍحصل لي
باسبابها يااصحابنا ذقنا الامرار = الهم ّ لازمني كما وصف ظلـّـي
ياخالتي خافي ترا فيه قهـّار = يجازي اللي في حياته يزلـّـي
ياخالتي وش ذنبنا توّنا صغار = وشلون تعذيبك علينا يحلـّي
الظلم شين ٍماتسويه الابرار = راعيه ضايع بــيــّـن ٍ مايدلــّـي
ضربك بعد لاختي تسبب بالاقدار = من جلسة ٍ بالبيت صارت تملـّي
جتني تصيح ودمعها مثل الامطار = تشكي تحسب ان الزمن صافي ٍ لي
مافي يدي حيله ياليت الزمن دار = بس اصبري والله لهمـّـك يجلـّي
ياخالتي قافيك قصـّاف الاعمار = وحساب عادل عن صغير ٍ وجلي
ياليت والدنا عرف كيف يختار = ان كان نجمه صار فوق متعلي
اخذت لي مع نظم الاشعار مشوار = لعلـّه لقلب حزين ٍ يسلــّي
شرحت بعض الي حصل لي بالاشعار = من فضل ربي جعله اليوم حلي