المهمه المستحيله

[ابن محفوظ]

يوم جيت انا ديار الحبايب=من بعد فرقا شهور طويله
ماشتقت انا لشوف القرايب=ودي اشوف العيون الكحيله
لي صاحب جمع علي المصايب=ومن سبته قلبي انهد حيله
عيني بدت تذرف دموعي سكايب=ودموعي ما تاقف الا بمنديله
ياصاحبي تكفى جاتك طلايب=ودي بقربك في العمر بس ليله
فيها ابا شكيلك عن كل المصايب=مصايب الفرقا والدنيا البخيله
بجيك انا وشوقي ماني بجايب=هموم قلب مالقى احد يشيله
زيد الهموم وانا ماني بتايب=وهموم قلبي خابر انها ثقيله
قلبي انا لجلك تحدى الصعايب=وقربك غدا لي مهمه مستحيله
دام انك بقلبي منته بغايب=بذلح انا قلبي وبدور بديله
بذبح انا قلب جاب الخرايب=وبنسى انا كل الهموم العليله

تحياتي وانشالله تعجبكم القصيده
اخوكم ابن محفوظ

[ابوحمد الشامري]

كبدي له عزتي للمولع جاه ما جاه لا هنت يا أخي العزيز ابن محفوظ على هذه القصيدة المعبره.
تحياتي لك يا السنافي

[ابن محفوظ]

لا هنت يالولد عمي وجعل تسلم كبدك وشكرا لمرورك ولا عدمناك ياللاجودي

[admin]

بالبدايه ارحب فيك معنا يا بن محفوظ
ونحييك علي هذي المشاركه الموفقه بختيارك لها

لك تحيات اخيك

[ابن محفوظ]

اشكرك على مرورك يا ابو فيصل والله ان مروركم علي مع اول مشاركه لي هذا شي اقدره واحترمه وهذا تشجيع لي ولا هنت يالغالي

[ابن مكتوم]

لاهنت يا ابن محفوظ





بن مكتوووووووووم

[ابن محفوظ]

ولا انت يا بن مكتوم وشكرا على مرورك يالسنافي