نبارك للكويت العرس هذا سيّـد الاعـراس
بلادٍ من بدايتهـا علـى الخيـرات مجبولـه
تصفى للبلد خمسين نائب بأختيـار النـاس
على وضح النقـا حريـة التعبيـر مكفولـه
بـلادٍ سيسّوهـا بالعدالـه طيبيـن السـاس
محبتهم على عروش القلوب البيض محموله
تحت ظل الصباح الشعب حر..ورافيعن الراس
سيوفٍ في سبيل العدل والانصـاف مسلولـه
فهم قادتنا العليـا وحنـا للوطـن حـراس
جميع قلوبنا شتلـه بحـب الـدار مشتولـه
ميادين التنافس بالشرف والصالح المقيـاس
تجاولنـا بهـا والحمـد لله طابـت الجولـه
جهود اهل الظماير ماتجي حبرٍ على قرطاس
ومن خارج قبيلتنـا كثيـر جهـود مبذولـه
رجالٍ شاركت معنا بصنع العـز والنومـاس
لهم منّا الوفا لاشافهم ياقـف علـى طولـه
رجالٍ في ثقتهم وصلوّنـا هامـة النبـراس
ثقتهم عندنا تبقى علـى الهامـات مشيولـه
لهم تقديرنا واجلالنـا ياقـف وهـم جـلاس
وجميع انصارنا في مزنة التقديـر مشمولـه
رجالٍ تمكر المعروف معدنها صفر ونحـاس
عسى يمنى الذي مايحفظ المعروف مشلولـه
وحنا نحفظ المعروف والمعدن ذهب والماس
نرد الطيب طيب..ونذكر المعـروف ونقولـه
نقول الفوز فوزٍ للجميع وطابـت الاونـاس
ترى ماهو لناس وناس والاخيـار منقولـه
هلا بأهل الكويت وكل من فينا من الاجنـاس
لهـم رد الثنـا وابوابنـا ماهـي بمقفولـه
نيابه عن محمد قلتها ماهي مـن الهوجـاس
عن لسانه نقول وكلمـة المعـروف مقبولـه
تراهنا ..ولا خاب الرهـان بهـدة القرنـاس
عطى للدايره والتفت الاحـرار مـن حولـه
غرس كل العلوم الطيّبه ياحي مـن غـراس
وكم قرر بوقفاته مصايـر نـاس مجهولـه
له الفعل الجميل اللي يرجّح كفة القسطـاس
ومن يطمع بحب الناس مثله يفعـل فعولـه
..
..
للشاعر وليد العمودي
بمناسبة فوز النائب محمد الخليفه الشمري
بكرسي مجلس الامه
30-06-2006, 06:45 PM
العرض المتطور
