صباح الخير ..
قصيده أعجبتني ..
أضعها في متناول ذائقتكم ..
,
,
,
مريت بيته ..واستحيت ألتفـتْ لـه=معقول بعد أربع سنيـن إيعرفنـي؟!
مريت بيته ..والجروح أهتفـتْ لـه=تقول:شفنـي بعـد غيبتـك شفنـي
ياماتحت حدب الضلوع أنزفـتْ لـه=وياماسهرت..ومنبت الشوك جفنـي
وياماعيوني بالدمـوع أذرفـتْ لـه=وياما الولـع سيطرعلـيّ ونسفنـي
حتى كتبت الشعر نقضـه ..وفتْلـه=أوقل:عسفت الحرف حتى عسفنـي!
بأوراقي اللي بالشعور أسرفـتْ لـه=وأمطر شقاي ..وضوح برقه خطفني
للذكريات اللـي ليـا سولفـتْ لـه=حسّيت فـي بـرد الشتـا يلتحفنـي
وأهذي شجن رطب الشفاه انشفتْ له=وأتوب لو ذنب الكـلام اقترفنـي !
وأبوح له بأحلامي اللي هفـتْ لـه=وأزهرلشوفه ورد ..حتـى قطفنـي
وأتّذكره ..يوم الشموع أنطفـتْ لـه=وأظلم طريق ..وريح همّي عصفني
ليلةمراسيـم الـوداع أوقفـتْ لـه=ليلة فرح فيهـا ضياعـي عزفنـي
للحزن ..وطيور السعد رفرفـتْ لـه=نصيب ..وأول حب ماأظـن يفنـي
هذي بقايـا داخلـي ماأختفـتْ لـه=بأسبابهـا ..ياماحنينـي كشفنـي !
مجنون لو قلت المشاعر وفتْ لـه !=ومدري على عرشه من اللي خلفني؟
يمكن نساني ..والليالي صفـتْ لـه=ويمكـن بعـد بالذاكـره ماحذفنـي!
لكنّـه أوّل روح روحـي لفـتْ لـه=وأوّل وليف مـن الولايـف ولفنـي
واليوم ماضي يستحيل ألتفـتْ لـه=وأبعـذره لوشافنـي ماعرفـنـي !
,
,
,
لـــــ مستور الذويبي
09-07-2006, 02:46 PM
"
العرض العادي
