ياحمود من مرة عليه التجاريب

[السامر]

بسم الله الرحمن الرحيم


اخواني واخواتي الاعزاء اعضاء شبكة العجمان

اخواني واخواتي زوار هذه الشبكة العملاقة

جميع الاخوة والاخوات محبي ومتذوقي الشعر

هاذا اول موضوع لي تقريبا في هذا الديوان .. واحببت ان انزل هذه القصيدة
الاكثر من رائعة لما فيه من الحكم والنصح والحث على مكارم الاخلاق .. وبما يتناسب مع هذا الديوان بشكل خاص وشبكة العجمان بوجة عام

وهي للشاعر / عبدالله بن عبار العنزي

فكرت في الدنيا وشفت التعاجيب = نعيمها لو زان عجل زواله
تجري كما تجري سريع الدواليب = وتفتل كما تفتل خطاة المحاله
دنيا الشقاء دايم تقلب تقاليب = مثل السراب اللي يغرك خياله
من عصر ابن كلثوم والزير وكليب = ماذكر فيها اللي زمانه صفاله
ان هرفت تسقيك عذب المشاريب = وان اقحطت تشرب هماج الحثاله
ان اقبلت وارهت علينا المطاليب = درنا به علم الفخر والشكاله
وان ادبرت عشنا بها عيشة الذيب = يوم يجوع ويم يشبع عياله
نوبن بها ياحمود نقدر على الطيب = واحيان نغظي عن خطاة الجماله
نخشى تجينا ساعة يفرغ الجيب = وتبقى ذرارينا على الناس عاله
ولابه على من ضامه الوقت تثريب = لاشك مايفيد الرجل غير ماله
ومن لا صبر حاش الرداء والعذاريب = ومن دور الطولات يرخص حلاله
ولا بد بامر الله تهون المصاعيب = والحر نفسة ماتطيق الفضاله
والرزق مد من الولي عالم الغيب = مكفول من رب الخلايق كفاله
ياحمود من مرة عليه التجاريب = اما يحوش النعم ولا الرزاله
والمعترض تكثر علية المواجيب = والمستحي يتعب على ستر حاله
ندور ستر الحال عند الاجانيب = ولا كل من يقدر على العز ناله
الاجنبي وده بشاشه وترحيب = ملزوم كانه جاك تكرم قباله
يجزع ليا شاف الحواجب مقاطيب = ويفرح بترحيبك وينسر باله
اكرم غريب الدار تبعد عن الريب = من لفوته حتى يحين ارتحاله
ولا القرابه من حساب المعازيب = لو يتقهوى في مكانك بياله
الواجب انه مايدور بك العيب = يروف بالصاحب ويستر خماله
حقة ليا جته الليالي شلاهيب = يوم الرجل يزبن عواين رجاله
ليا عض به كالوب حزم الكلاليب = بالضيق والشدات وقف بجاله

للشاعر / عبدالله بن عبار العنزي

[راكان اليامي]

نخشى تجينا ساعة يفرغ الجيب
وتبقى ذرارينا على الناس عاله
ولابه على من ضامه الوقت تثريب
لاشك مايفيد الرجل غير ماله
ومن لا صبر حاش الرداء والعذاريب
ومن دور الطولات يرخص حلاله
ولا بد بامر الله تهون المصاعيب
والحر نفسة ماتطيق الفضاله



اولا يامرحبا ومسهلا اخي السامر

وصح الله لسانك ولسان الشاعر المعروف بن عبار

ونحن في انتظر المزيد من القصايد التي لاتخلو من الحكم

اخيك

[فيصل بن حجرف]

السلام عليكم

لاهنت اخوي السامر وعزالله قصيده تستاهل النقل

وصح لسان ابن عبار وعزالله انه ابدع في القصيده هذي

تحياتي لك

[Saudi]

لاهنت اخوووي السامر وصح الله لسانك عز الله انك كفيت ووفيت والي الامام ان شاء الله ونتمني المزيد من مشاركاتك الفعاله

[السامر]

ارحب ياركان


ابلغ من حروف قولة مرحبا .. يالله حيه


صح بدنك ولاهنت على مرورك

ونتطلع الى منتدى الشعر ان يتطور وان تطرح فيه مواضيع

اكثر اهمية وقابليه .. على ايدي مشرفيننا الافاضل

وهذه دعوه لجميع المشرفين ان يبذلو مزيدا من الجهد لاعادة ترتيب اوراق

منتدى الشعر الشعبي ..

مع العلم ان لهم جهود يشكرون عليها جدا

واكرر شكرا للجميع

اخوكم */ السامر

[عزوف]

مشاركه رائعه يا السامر

صح لسانك ولسان الشاعر
تحياتي

[السامر]

الا خ الكريم \ العجمان صح بدنك



ولاهنت على مرورك ومتابعتك


وتقبل تحياتي


اخوك\* السامر

[النازي]

صح السانك ولسان بن عبار
ولاهنت على القصيده


النااااااااااااااااااااااااازي

[عيد بن شدقان]

السامر
قصيده رائعه
لا هنت وصح السانك
والسان الشاعر
بن عبار

[السامر]

الاخ \ سعودي

صح بدنك ولاهنت على مرورك


وتقبل تحياتي

اخوك \* السامر