ملحمه للعجمان

[الأدوح]

مسيكم بالخير يابني عمي هذي السالفه مهمه لكل عجمي يهمه امر القبيله وقد نقلتها من شريط كاست ملقاه فيه السالفه والقصيده وهي كالاتي وتعتبر القصيده ملحمه لقبيله العجمان وهي كلاتي::::

كان هنالك واحد من ال محفوظ ربى هو وعائلته في محافظه عفيف وهي معروفه بقبيله عتيبه وهو من حظر ال محفوظ وكان دائما يتفاخر بلعجمان امام القبائل التي هناك وجاء احد الشعار وقال قصيده منها::

جد<ن> من العجمان لا تدعي به=مالك معهم مواثيق ورسوم

وكان المحفوظي ليس شاعر فتقابل هو وطلال بن خرصان وهو احد الشعراء الشباب واعلمه بالسالفه وقصيدت الشخص الذي ارسلها للمحفوظي فرد طلال عليه بهذي القصيده:::

انا البارحه جاني خبر والخبر حساس=من الجاهل اللي كلمته تحدر الوادي
الا يامحمد والله انك عريب الساس=فلا يهمك اللي عن طريق السنع غادي
في نشوان بن مرزوق جدك قوي الباس=بطاريه يذكر طاري الموت جلادي
يامحمد ولد عبدالله ان طق راس براس=معرب من المحفوظ عريبين الاجدادي
من السابق الامطار ينزع لها العساس=ليا عاش رجل بديرتا<ن>تعجبه عادي
وهاذي طبايع بدونا من جميع الناس=صناديد يطوون الفيافي والاجرادي
علي اليمين انك معزز رفيع الراس=اقوله وانا ماني ورى الهرج طرادي
ترى لابتك يشهد لها يوم لمع الماس=ليا عطب البارود للموت ورادي
ليا قيل يالعجمان بظهورها جلاس=بوقت الصمايل كلنا نار وزنادي
ترانا آل شامر لاقبس للقشر مقباس=ابوزيد اخذ من وصفنا وبن شدادي
ترانا آل مصرا كل مادقبك هوجاس=وترانا آل حبيش لمن بغى هوش وطرادي
ومن ربعك الهتلان يوم الخطر ينداس=ومن ربعك آل محفوظ خطلان الاولادي
ويعجبك آل سليمان لاذعذع النسناس=لاتنسى آل ضاعن دايم سيوفها حدادي
لا تنسى آل لزيز جات بخماس ولا سداس=ومنا آل خويطر لا خطر مر الأكبادي
ومنا آل سفران اسفرت عيش ياقرناس=ومنا آل صالح في نهار التوجادي
وترى آل ناجعه ماهوكلاما على قرطاس=لهم ثقلهم في كل مصدر وميرادي
ومنا آل هادي كان بالراس صار عماس=ترانا رجالا نارنا توقد اوقادي
طنا راسك آل عرجاء لاطول المرواس=وقول آل ريمه ستر مركوز الانهادي
نحمس المعادي حمس بنا <ن>على محماس=تواريخنا تشد لنا غصب وعنادي
مخابيطنا باأيماننا يضرسن اضراس=ثبات الكلام اللي على روس الاشهادي
ولاني بذم اهل الوفاء والرجال اجناس= وكل القبايل تستحق التمجادي
ابصحي اللي في عيونه غشاه نعاس=ينقد كلامه قبل ياتيه نقادي
الا يامحمد لايهمك ولا هلاس=مكاسرك عنبر فوقها المسك والكادي
عطيناه اشاره واضحه كان فيه إحساس=وانا ما ظلمت ودايم الظالم البادي

والقصيده للأخ طلال بن فيصل الخرصان ويعذرنا اخوانا ترى مادرى بأخذي للقصيدها وإنزالها في النت وتحياتي لكم ..............الأدوح

[فهدالعجمي]

لاهنت يالادوح

وصح لسان ابن خرصان على القصيده الجزله

[الأدوح]

ولا انت يافهد وشكرا على مرورك وإطراءك يالذيب..............

[السلاطين]

أخــــي العزيـــز /الأدوح



أنـــــت اللـــــــــي


مـكـاســـــــــــرك


مكــاســــــــــــــر



عـنبــــــــــــــــــر


لاهنــت و لا هـــان


ابــن خـرصـــــان

[الأدوح]

لاهنت يالسلاطين وهذا من طيب اصلك ياكحيلان ................

[ابوتركى]

قصيده جميله الادوح


وهاذي طبايع بدونا من جميع الناس
صناديد يطوون الفيافي والاجرادي


وتحياتى لك على النقل الجميل

[بعيد الهقاوي]

لاهنت يا الادوح

وبيض الله وجهك


وصح الساااااااااااااااااااااانك والسااااااااااااااااااااااااان ابن خرصان

اخيك:بعيد الهقاوي

[مـحمـد]

صح لسانك ولاهنت على القصيده الجزله

[ولد ال صالح]

ياااااااااااااحي والله ذالخشم لاهنت لاهنت

وااااافي في ذمتي انه وفاهاااا

ابن خرصان الله يغفرلنا وياااه

الله بصحي لسانك ولسانه

لاهنتوا لاهنتوا

تقبل

شكريااااااااتي

[السياسي]

لا هنت يا الأدوح , وجعل الشجره ما تنقطع يا السنافي , ولا هان الامير بن خرصان على القصيد الجزل





السياسي