شوارد الفكر

[الرحيل]

شـوارد الأفكـار لا تمتحـنّـي ***يا الله عسى ما للشوارد شريـده
ياليتها فـي خاطـري تستكنّـي*** القلب هايـد والجـوارح مهيـده
خافي من الله لا تخافيـن منّـي *** يا مشغلتنـي بالعلـوم الجديـده
اللي شحنك من الطواري شحنيّ *** ولا لك عليّه حق شرع وعقيـده
أقرا آية الكرسي على كلّ جنـيّ ***إليا ربطتـه بالحبـال الجويـده
وأفك ريقي بالرجـاء والتمنّـي *** وأمسي على قول الهقاوي بعيده
وحلمي خليط ألوان وردي وبنّـي *** فقير وأحـلام الفقـارى عديـده
يسوقني للشعر رمـح المطنّـي *** أكتب براس الرمح جمله مفيـده
ولاهوب والله من طرب يوم أغنّي *** مهموم وأطقّ الحجـر بالحديـده
أبدع قصيده كلّ ما قمـت أونّـي *** سويّت لي مع كل ونّـه قصيـده
ولا زلت ألوّح للبشاير لـو أنـيّ *** مدري متى حزني يغلّق رصيـده
في فزعة المعبود ما خاب ظنّـي *** لا خاب ظنّي في مكـارم عبيـده
الله يوفقنـي وأعيـش متهنّـي ***وآخذ من الأيام فرصـه سعيـده

[مناحي الصميل]

صح لساااانك ملاييــن
بس عندي تعليق :
اللي شحنك من الطواري شحنيّ *** ولا لك عليّه حق شرع وعقيـده

الشطر الثاني (( اللي باللون الأحمر )) وزنه مضروب

والقصيده ماشاء الله عليها فكره حلوه وكلمات احلى

ولا هنت يالذيب ..

[الرحيل]

تسلم اخي كاسب الطيب على هذه الملاحظه كما اتمنى من الله ان يكثر من امثالك

اللي شحنك من الطواري شحنيّ *** ولا لك عليّه حق شرع ولاعقيـده
احترامات الرحيل

[راعي^الهدبا]

الرحيل
قصيده رائعه
صح لساااانك

اللي شحنك من الطواري شحنيّ *** ولا لك عليّه حق شرع ولاعقيـده

بحر المسحوووب واللحن يقول من عدا على راس عالي
والشطر الثاني ما يمشي على اللحن هذا يعني لو يصير :
اللي شحنك من الطواري شحنّي *** وما لك عليـّه حق وشرع وعقيده


كذا تمشي على الوزن
اتمنى اكون قد افدتك ..

ولا هنت

[الرحيل]

لاهنت ياراعي الهدايا واعتبر هذا التعديل هديه منك ووسام لاهذا الموقع المميز
اللذي يحظي بمثلكم انت ومن قال الكلمه بدون مجامله لهذا لشرف لي .
احترامي الشديد لك الرحــــــــــــــــــــــــــــــــــــــــــــــ ــــــــــــــيل

[العــرجاني]

صح لسااانك


ابيااات راااائعة


فانتظااار الجدييد

[الرحيل]

الروعه مرورك وصح ابدنك ولاهنت على المرور المميز يالعرجاني

[راشد بن فلوه]

الرحيـــــــــــل








صح لسانك على القصيده الجزله والقصيده سليمه ومن اروع مايمكن تبي شده على الواو.

[الرحيل]

لاهنت يالقرم راشد على مرورك ويسعدني ويشرفني ان استفيد منك
ومن الأخوه في هذا المنتدى المميز