جاني كلامـك واستلـم رد بطـران /// لا شك في عزك وربعـك كريميـن

[مناحي الصميل]

هذي الرديه الثانيه بيني وبين فلاح ابن محمد آل ذروه الهاجري ..


يقول فلاح بن محمد :

ياصاحبي ان صار بعد الـذي كـان=شيء(ن) يضايقكم عليـه التلاعيـن
انتم بريق السيف وانتم لـه اسنـان=ارجالكم فالهيّـه احسـاب تسعيـن
عجمان والله يافتى الجـود عجمـان=فالطيب والجزلات هم دوم ضاريـن
ياقرم طالبك افتخـر منـت منهـان=رجال ابن رجـال فالعسـر والليـن
يامناحي المنعـور ياطيـر حـوران=زيزوم واسنافي ومن صلب شاهيـن
اقـدّرك واقـدّر الشيـخ راكــان=والطيب يظهر لك من العز عزّيـن
يافخر من خاواك اجازيك بإحسـان=واكبر تحيّـه للرجـال السلاطيـن
والابتسامه فيـك لا جـاك ضيفـان=طيب ومثلك نادر(ن) عصر الألفيـن
وصلّو عدد ماشفت شيب(ن) وبزران= علـى النبـي اختـام كـل النبييـن

ردي عليــه .. :

جاني كلامـك واستلـم رد بطـران=لا شك في عزك وربعـك كريميـن
يابو محمد طيبـك اليـوم قـد بـان=شقّيت قلبي مثـل شـق السكاكيـن
شيخ المراجل محزم العـز مليـان=في حضرتك تخفى جميع الشياطيـن
ذيب(ن) ولد ذيب(ن) ومن نسل ذيبان=جدك عريب الساس يسوا له الفين
خلان اشده جدكم صلـب قحطـان=ياطيبكم مـرّه وعشـره وخمسيـن
وافعالكم يشهد لها السيـف شامـان=ربـي خلقكـم للملاقـى شديـديـن
خيالة الحرشا على الخيـل فرسـان=وافعالكم تذكر فـي كـل الدواويـن
وماني بناسي لابة العز عجمان=يوم اللقى نفخر في كـل المياديـن
وختامها سبحان مـن حطّنـا شـان= سبحـان خالقنـا آلاف وملايـيـن

وسلالم ..

[محمد المحلكم]

قصايد جزله وصح لسانك ولسانه

[مودماني]

مريت من هنا انا


ماقول الاّ عسى جمعاكم دايمه انت وخويك


صح السانكم

[مناحي الصميل]

ارررحب / الشاعر محمد المحلكم ..

صح الله بدنك ..

ولا هنت على مرورك الجزل ..

ودعتك اللـــه ...

[مناحي الصميل]

مودماني
صح الله بدنك ..
وجزاك الله خير وبيض الله وجهك يالقرم ..

وشاكر لك مرورك الكريم

ودعتك اللـــه ...

[شاعرها]

الشاعر المحترم







كاسب الطيب




والشعر كسب شاعر مثلك







صح لسانك ورديه جزله







لاهنت

[عبدالناصر آل عبدان]

اررررحب يااكاااسب الطيب


تراااحيب المطر



وصح الله لسااانك


ولسان الشاعر فلاح بن محمد


قصايد كاااايفه وجزله من شعااار بحر



صح الله قلووووبكم


ودعتك الله

[مناحي الصميل]

ارررحب ياشاعرها ..

صح الله بدنك طال عمرك ..
ولا هنت على كلامك الطيب ..
وبيض الله وجهك ..

[مناحي الصميل]

ارررحب ياعبدالناصر ..

صح الله بدنك يالقرم ..

ولا هنت على مرورك الجزل والوافي ..

وبيض الله وجهك ياذيبان ..

ودعتك اللـــه ....