(أمسحي الدمعه ياخيّـه )

[أحمد بن عكشان]

دقت وقالت يا أحمـد أنـت أستـاذن كبيـر=ياللي أحييت الأحاسيس اليتيمـه والحزينـه

ليش ماتكتب وتقصـد بالمعـاق وبالظريـر=زاد جرحي وانت شاعر كل كلماتـك سكينـه

قلت لحضـه واعذرينـي لابشيـر ولانذيـر=شخص عادي في طباعه وادعي ان الله يعينه

وابشري بالحق مني والقصيد أمن الظميـر=قلتها والشاهد الله أضرب المـوج أبسفينـه

كلنا شعب وحكومه نخـدم الطفـل الصغيـر=المعاق اللي ذكرتي نـور تزهابـه مدينـه
كلنا نخدم بعضنـا تحـت رايات الأمير =شيخنا رمز المعزه كل شي(ن)من يمينه

دار أيتام ومصحه وفيـه أوقـاف ووزيـر=والعنايه والأطبه بذن ربي كافلينه

(أمسحي الدمعه ياخيّـه )لاتخلينـي كسيـر= ماذخرنا شي دامه فرحـة القلـب وظنينـه
واكتشفت اني كذبت وكذبتي كذبت برير= كيف صورت المرار المر لأحلامن ثمينه
ورحت أبكي من بعدها عبر موجات الأثيـر=وينكم ياالشعب كلـه والله أنكـم مهملينـه

أم تهمل في ولدهـا عنـد ربـي مايصيـر=أنتي يالأم أسمحيلي كل همش بـس زينـه

وأب ماياتـي لأبنـه حـط أبنـه كالأسيـر=راح عنه من سنينن حتى مايعـرف سنينـه

وانت يالأعلام وينك عندنـا مشهـد مثيـر=طفل يشكي من أعاقه هذى شي(ن) خابرينه

المصيبه وين أهله ويـن هالجمـع الغفيـر=(ويـن هـذا وويـن هذا)كلبوكـم تاركينـه

ما أخص الكل لكـن حسبـة الأكثـر كثيـر=يعني يالقله تعالوو واسمعو صرخـة ونينـه

هذا حقش ياحزينه والقصيد أمـن الظميـر=قلتها والشاهد الله أضرب المـوج أبسفينـه