للبعد شوق وللمسا قمـرا وللموجـه زراق=وللعين بنت(ن) ساكنه بين الرموش وفيّهـا

[علي السكران]

الاعزاء جميع ... اضع بين ايديكم هذه القصيدة وارجو من الله ان تحوز على رضاكم

الكون مظلم والهواجيس أقبلت والصدر ضاق=والنفس تشكي من هواجيس السنين وغيّهـا
والحزن ما بين الحنايا والمعاليق أستــسـاق=والروح تشكي من جفا نور العيون وضيّهـا
مبطي وانا وياك ما عشنا سوى لحظة عناق=( مبطي وانا ما قلت يـو تجيـن يالله حيّــــهـا )
( كنتي لي الما والهوى والذ من حلو المـذاق)=(ولامن طلبتي من عيوني شي قلت من ايّهـا)
للبعد شوق وللمسا قمـرا وللموجـه زراق=وللعين بنت(ن) ساكنه بين الرموش وفيّهـا
وللحب بسمه ما يعكر صفوها كون الفـراق=لا صارت الدنيا بعيني صعبـه القـا زيّهـا
يا مالكه عرش القلوب بكل لهفه واشتيـاق=رحتي وخليتـي معاليقـي تضيـق بطيّهـا
يا هاجره دنياي خليتي جروحـي تستـراق=راحت حياتي في غيابك مـا بقـا الا سيّهـا
أعيش في ذكرى غلاها وانتظر يوم التـلاق=يا شينها دنياي يـا شيـن السنيـن بليّهـا
أطرد سرابه واتوهم والحشا فيـه احتـراق=واحلم بضمتها وضحكتهـا ولمـس اديّهـا
تظلم شوارع دنيتي والجو كّن فيه اختنـاق=ياوجد عيني كل مـا مـر الخفـوق بحيّهـا
انتي ملكتي قلب من حبك بلحظـات الوفـاق=قلبه معك يا شوق عمره ضايع(ن) ومتيّهـا
البعد قاسي والجفا لاع الحشا والصبر شـاق=والعين من فوق المحاجر دوم تذرف ميّهـا
روحي فمان الله روحي واي جرحك ما يطاق=روحي وانا بصبر على الضيقه وبادمح كيّها

اخوكم .... علي السكران

[ناصر بن فالح]

صح الله لساانك ياعلي

ولاهنت على الجزله ياجزل

[علي السكران]

اخي ارسطوو
مشكور على مرورك الكريم وبيض الله وجهك على الاشاده

اخوك .. علي السكران

[الباشا]

الأخ القدير
علي السكران

صح السانك قصيدة رائعه وجزله

[البنت الجزله]

الكون مظلم والهواجيس أقبلت والصدر ضاق=والنفس تشكي من هواجيس السنيـن وغيّهـا
والحزن ما بين الحنايا والمعاليـق أستسـاق=والروح تشكي من جفا نور العيون وضيّهـا

بدايه جريحة تعطي طابع الشعور بالحزن وقسوة الفراق

مبطي وانا وياك ما عشنا سوى لحظة عنـاق=( مبطي وانا ما قلت يو تجيـن يالله حيّهـا )

وهذا البيت يقود الى الذكرى وامنيات العشاق وشوقهم للقاء بشغف

( كنتي لي الما والهوى والذ من حلو المذاق)=(ولامن طلبتي من عيوني شي قلت من ايّها)

الشطر الاول تشبيهات بليغة لاهم ما في الوجود مع من يحب الشاعر .. والشطر الثاني التضحيه للحبيب باختيار اي من عيون حبيبه

والحقيقه انا عاجزه عن سرد بقية القصيدة الخرافيه واللتي تدعو للتفاؤل بجزالة الشعر

كل المودة والتوفيق والله يسمح دربك

اختك البنت الجزله

[علي السكران]

الاخ الباشا

شكرا على مرورك وصح بدنك

اخوك علي السكران

[علي السكران]

الاخت البنت الجزله

لاهنتي على اضافة بعض اللمسات على القصيده

واعتذر عن احد الاخطاء في احد الابيات
( مبطي وانا ما قلت يوم تجين يالله حيّهـا )

شكرا لكي اختي ومرورك العذب يسعدني

اخوك ......... علي السكران

[عبدالناصر آل عبدان]

ارررحب ياعلي


وصح الله لسااانك

وجارنا الله وياااك من الفراق


قصيده رائعه من شاعر رااائع



في أمان الله

[علي السكران]

الاخ .. عبدالناصر الفهاد

الله يبقيك واشهد ان مرورك يرفع الراس

صح بدنك وحضورك هو الرائع ...

اخيك ........... علي السكران

[محاور 5 نجوم]

صح لسانك
عندما علي السكران يتواجد الجزل امتعنا بقصيدك لا فض فوك

معاني واحاسيس راقيه وشاعريه عاليه وقصيده متوهجه تسلم يمناك ولا عدمناك