رديه سالم بن جخير مهدي بن قطام

[طلال بن قطام]

هذي رديه بين الشاعر سالم بن جخير والشاعر مهدي بن علي بن قطام
يقول سالم




والله ان قدلي سنه وانا اتعشّم=للمواصل والمواصل ماتهيا
قلبي اللي من هواجيسي تقشّم=لانصحته عن طريق الحب عيا
لي حبيبٍ حبه بصدري موشّم=واشمٍ اسمه على صدري كذيا
ماذكر انه راح عن دربي ووشّم=اذكر اني جيت ابي قربه وهيا
والله ان قدلي وانا جسمي مبشّم=من كلام اهل النمايم والقفيا
العواذل للحكي دايم تشمشّم=ياهنيا ياهنيا ياهنيا
راعي النمات ياليته يرشّم=فوق خده مايجي فيها كميا
يامهدي وانت المعزز والمحشّم=يوم غيرك ذابحه حب الكفيا
ابشر اني فالمواقف ماتهشّم=وابشر اني لحتمت عندي حميا
جيت صوبك جيت صوبك وتعشّم=وانت قد الحمل (والعزوه هويا)




رد مهدي بن علي



الله الله واسرج الفـارس مغشـم=وقام حظ العقب في عطف الحديا
جعل راسٍ مااحتمى مخه يطشم=وانت باخس ماعلى مثلك خفيـا
والعـوارف بالنمايـم ماتغشـم=(والمـراجـل ماتهيا بالسـويـا)
والعذول اللي تطرف لك على شم=اسمع الباقي من اوصافه على يا
اسبل الغتره وبالكشمـات كشـم=يحسبنـه كاسـبٍ بنـت العبيـا
راس ماله جنب حرمته يتقشـم=لاتفـيـا لا تفـيـا لاتـفـيـا
به خشام من الجري مدري تخشم=نكسر الغضروف حتى له تهيـا
ابشر اني فالمواقـف ماتبرشـم=وابشر اني لاحتمت فوق الثريـا
وابشر اني موطي العايل بمنشـم=مثل ماوطـت سواليـف العليـا
دام راس حي تامـر لا تعشـم=هي على حدود الجدي ولا الثريا



وسلامتكم