الدش

هجرس من قطر · #1 20-07-2006, 02:33 PM

البارحه سارح وضايق بعد الاعشا
خلي جفاني وحتى النوم جافاني
جالس وفيني ملل وفرفر الدشا
ابي يجي الخير وبس الخير ماجاني
مشاهد اتغث وفيها الكل مغتشا
رقص وسفور وصخب ياالله يرحماني
لموا نجوم الخليج تقول في ورشا
كلن يسمع نشاز الصوت للثاني
لي جاك مطرب يقدم حلقته فشا
كل بنت قالت انا اهواك يافلاني
سخافة متابعينه زادت البلشا
والمشكله انهم شيبن وشباني
وستار اكاديمي فش الفاحشه فشا
وش يستر اللبس اذا الاخلاق عرياني
لوشفت قصاتهم بانت كما العشا
والوجه صاير من المكياج الواني
في بيت واحد تلاقو شلة الفحشا
وتخالطو فيه نسوانن وشباني
لوكان بيدي لحش رجولهم حشا
واقرع الروس شبانن ونسواني
واقوم للدش وفيه الخلق بافشا
لاكن تعوذت من وسواس شيطاني
ياصاحبي الحب ساكن في وسط الاحشا
حتى تمرد ويمشي بين شرياني
ابي من امطار وصلك رشني رشا
تنعش بها روحي وتثمر بها اغصاني
وش رايك انروح بعد شوي نتمشا
ترا الملل ياغناة الروح يملاني
باخذك امشيك واوديك تتعشا
لاترد لي طلبتي تكفا على شاني
ودي اشرك عصير الحب الفرشا
واقول انا اهواك واسمع منك تهواني
واداعبك في فنون الحب في الغبشا
وان قلت ماابيك ابيك تقول تبغاني
بربط عيونك وعد لي عشر بنخشا
وافتح عيونك وانا جنبك بتلقاني
بعلمك الحق وتعلمني الغشا
واصير انا اغش وانت اتصير حقاني
وان كان ضنيتنا بنمل لاتخشا
اعجبك انا بهالسوالف صرت فناني
تبي نصيحه ابيك اتفرفر الدشا
واذا تضايقت تراك اتعرف عنواني

هجرس من قطر · #2 20-07-2006, 02:34 PM

للشاعر : عبدالعزيز العجمي

هجرس من قطر · #3 23-07-2006, 12:44 AM

شدعوه مب عاجبتكم القصيده وله ماتبون تردون وله شسالفه

علي بن عشوان · #4 27-07-2006, 12:38 AM

اقتباس:

لموا نجوم الخليج تقول في ورشا
كلن يسمع نشاز الصوت للثاني
لي جاك مطرب يقدم حلقته فشا
كل بنت قالت انا اهواك يافلاني
سخافة متابعينه زادت البلشا
والمشكله انهم شيبن وشباني
وستار اكاديمي فش الفاحشه فشا
وش يستر اللبس اذا الاخلاق عرياني
لوشفت قصاتهم بانت كما العشا
والوجه صاير من المكياج الواني
في بيت واحد تلاقو شلة الفحشا
وتخالطو فيه نسوانن وشباني