|
وأنا ادري إنك بنـت عـود لا يهـاب ولاّ يهـان%$محشومـةٍ مانتـي لجلبـاب العفـاف محسّـره
الله يبلـى كـل حـيٍ فـي حياتـه بامتـحـان=
وانا امتحانـي حلـم ليـلٍ ماعرفـت أفسّـره !!
ياليت ربي ماكتـب لـي فـي مقاديـر الزمـان=
أرحل مع المجهول فـي دنيـاً علـي متعسّـره
مادري صحيح العلم ؟ وأضمنها على حظي ضمان=
وأرتاح في دنياي مـن قلـب العنـى واجسّـره
ولاّ مـع الأوهـام تلعبّـي علـى روس البنـان=
وأنـا كمـا حـرٍ نثـر ريشـه بكـف موسّـره
رمعة معانيها توردنـي علـى خضـر الجنـان=
في خاطري .. والغيب والمقسوم عنـد ميسّـره
تسمو كما يسمو النظر وأقرا لها سحـر البيـان=
وتغـاب عنّـي واتخيلـهـا مـعـي متيـسّـره
واحلم وأنا صاحي وحالي مثـل حـال الغيهبـان=
عظيم . لكـن وجـه حظـه للوفـوق معسّـره
يانور عين اللي على وضح النقـا سـرّ وبيـان=
ما قال غير الصدق لو نفـس الهـوا متحسّـره
أسئلك باللي نزّل القـران فـي شهـر رمضـان=
علـى النبـي يتلـوه جبريـل الملـك ويفسّـره
إن كان في قلب الغـلا للمهتـوي قـدر ومكـان=
لاتبخليـن بكلـمـةٍ كـنّـك بـهـا متخـسّـره
وأنا عميد العاشقيـن اللـي مداعيـج أصفهـان=
على شبـا سيفـي سهـوم أهدابهـن متكسّـره
لاشك رمحك ياغناتي سبـق سيـف ابـن ابـان=
دك الفؤاد اللـي ورا عـوج الضلـوع مدسّـره
ماصابني من رمش عينك صابني كـف الحنـان=
اللـي تمدينـه خفـا وأنتـي علـي متجسّـره
والله .. لو عمـري ميـه ولاّ عشـر ولاّ ثمـان=
إنـي علـى عـزّ الشبـاب أيمّنـه وأيـسّـره
وإني سليل أهـل الأشـده والقلـص والجبخـان=
اللـي تضـد القـوم والـراس العنيـد تكسّـره
أموت بالعزّه ولا يشمـت علـي ن ذ ل وجبـان=
ولا أعشـق إلا بنـت روس للحفيـف مخسّـره
وأنا ادري إنك بنـت عـود لا يهـاب ولاّ يهـان=
محشومـةٍ مانتـي لجلبـاب العفـاف محسّـره
وأدري بقلبي مايطيب ويمتلـي فرحـه وأمـان=
إلا معـك يامهجتـي والنفـس لـك متفـسّـره
وان ماجلبك الحـظ فالله .. القـويّ المستعـان=
راحـت حياتـي حلـم ليـل ماعرفـت أفسّـره
الشـــــــاعر::
عبدالله بن شايع القحطاني
__________________
هذا العضو انتقل الى رحمة الله
في يوم الاربعاء الموافق 21/4/2010
نرجوا الدعاء له بالرحمه والمغفره والتثبيت عند السؤال
تم تعديل التوقيع بواسطة إدارة شبكة العجمان
|
28-04-2007, 02:10 PM
العرض العادي
