فمــــــــــــــــــــــــــــــــــــــــــــان اللــــــــــــــــه

[محمدالعمار]

فمان الله وشراع السفينه = على وجه السنين المقبلاتي
تركتك للذي ماتنام عينه = وامانه ديري بالك ياغناتي
صحيح الحب عدني ذا سجينه = وعادك ذي بدوامة حياتي
ولا ادري عيب وقت معاصرينه = او انه عيبنا طبع وصفاتي
علي فرقاك يالمظنون شينه = مثل شين الغصون اليابساتي
لو اقلوب البشر نيات زينه = ماشفنا دمعة الغالين تاتي
ولا شفنا الاسى متوارثينه = ولا شفنا سموم الكره عاتي
امانه طيفي لا لا تفشلينه = اذا مرك فهذا من شتاتي
وكنه حامل لك ياسمينه = خذيها من حساب مجاملاتي
تري لولاك منتي له ثمينه = ماجا لعيونك النجلا مواتي
وامانه خلي سري بالخزينه = عفا الله مامضا منك وفاتي
وامانه خافقك لا تتعبينه = ورى طيف الاماني الزايفاتي
تري ماكل شخص تهتوينه = على ماتهتوينه لك بياتي
لو اتشوفين به نظره حسينه = عليك بما يخفي ياحياتي
تري بعض الرجال اشجار زينه = مناظر والمشاعر ناشفاتي
مايثمر لك لو انك تمطرينه = ولو حتى البصيص من الفتاتي
غرست ولا حصدت الا عوينه = وطبعك حال من دون امنياتي
لو ان نفسي على الفرقا حزينه = فمان الله منا للمماتي