السلام عليكم ورحمه الله وبركاته
واسعد الله اوقاتكم بالخير والمسرات
هاذي قصيده متواضعه وعساها تنول على رضاكم
تل قلبي تل دلون يتلونه=ثم تعرضله شناظيرن احدادي
عقب ماشفت الغضي لد بعيونه=شفت انا في عيونها حرب وجهادي
ويل حالي لاتثنا على هونه=ضامر السرجوف مركوز الانهادي
والجدايل لانشرها على متونه=فاح ريح الطيب والمسك والكادي
والردايف لامشا تثني أردونه=والخدود تقول نور القمر بادي
والشفايف لبتسم ذبت في لونه=والنحر من شوفته ضيع مرادي
ياعرب والله لوانكم تشوفونه=تعذرون اللي عن الحب ماحادي
أمتلكني جعلني فدوة اعيونه=يامر وينهى جعل فدوته هادي
تشلع القلب المولع مع اركونه=نار حبه فالضماير توقادي
حسبي الله على قلبي ومفتونه=لا عذلته ياهل العرب مافادي
هايمن في حبها لاتعذلونه=واشهد انه ماتهنا له ارقادي
لو فقدها ياعرب لاتلمونه=عقبها ماله مع الناس مقعادي
ان قعد هل العباير من عيونه= والمصيبه يلحقه قول نقادي
11-06-2007, 09:45 AM
العرض الشجري