(اليعربيه) مصافحه اولى لعيونكم

[عبدالرحمن الخالدي]

شفتها تجلس على مكتب غدى عرش لحلاها =كنها بالحسن ورده والمكاتب مزهريه
شفتها وقمت آتذكر من بغى قلبي لقاها=من ثلاث سنين غابت واتركت روحي شقيه

الشبه....نفس الشبه.....حتى الحلا.....هذا حلاها=الشكل ....نفس الشكل.....والخوف بس.....لا تكون هيه


لين بادرت بسؤالي ......عن اسمها وانتماها=جاوبتني وسط دهشه!!!! اسمي (.......) اليعربيه


حينها .....قلت الحبيبه غايبه وانا برجاها =كثر شوقي هو جبرني......اسئل اسئلةٍ غبيه

أعذريني.....اعذريني.....واغفري لنفسي خطاها=كنت اظن انك حبيبة خافقي يا احلى صبيه


قالت اشرح القضيه......كلها ....من مبتداها=يومك تكرر باني اشبه لذيك البنيه


قمت افل اوراق فكري ......وآتأمل محتواها=وآتذكر ما مضى لي ف السنين الاوليه

قلت وجروحي استفاقت وابتدت تنزف دماها =والدموع اللي بعيوني تذرف شويّه .....شويه

كنت انا الأول بقلب اللي سكن قلبي هواها=والأسف ياللأسف من رقم واحد صرت ميه



اذكر انها لا لقتني تترك الدنيا وراها=ثم تبادرني التحيه قبل ابادرها التحيه

لو لقلبي كفوف كان كفوف قلبي في يداها=قبل ما كفي تصافح كفها الغضه النديه

ظبيةٍ تمشي بخفه وتْلاعب في خْطاها=كن الارض اللي تحتها خاليه من الجاذبيه

يا حلو اسمي على اذني لا سمعته من شفاها=كنت اخليها تقوله الف مره و ستميه


ثم تفارقنا سبايب عاذلٍ كدر صفاها=ما رضت نفسي المهونه ودايمٍ نفسي ابيه

هاذي كل القصه اللي يا عسى تمت عساها=واعذريني كان طوّل شرحها يا يعربيه

آه من دنيا اظلمتني واطحنت قلبي رحاها=اجعلت قلبي يتشكى من الهوى لذيّه وذيه

يا رياح الشعر هبي هبةٍ عجلٍ مداها=واحملي شكواي عجله للكرام اهل الحميه

اقصدي ((ابن المريسي)) وقبلي ارضٍ وطاها=قبلي راسه وقولي صاحبك مبلي بليه


صاحبٍ يطلب رضاك ودايمٍ فيك يتباها=ان جهلته طر ثوبه واعتزى(( بالخالديه ))
شب نار الشعر ياللي نار شعرك ما تضاها=اللهب من فيض فكرك والحطب ذيك القضيه

شبها واجعل حطبها جمر من شدة لظاها=شبها يا (( ابن المريسي ) شبها والنار حيه

خلها قصه غريبه ...مبهمه للي قراها= خل انا وانت نتكلم في معانيها الخفيه
شفت ناسٍ في زماني تشبه الكلب بــــ وفاها = اذلل واتخوضع لجل هي تصبح وفيه

الوفا ماهو ب ذل النفس للي ما بغاها=الوفا عز النفوس الطيبه دون الرديه

جت تعزيني الليالي احسن الله في عزاها=جت تقول ان المراجل ميته ب نفوس حيه

والله ان (( عافت ) و (( بن جدلان ) كالشمس بسماها=مير شرذمة الرجال اليوم صاروا (( عافتيه ))

دام قدري بالثريا ....وقدرهم باسفل ثراها=ما عليّه.....ما عليّه... من بقايا البرمكيه


يا المريسي جاك صوت اللي بغى يسمع صداها=وانتظر منك الاجابه في حروفٍ ابجديه

الداعي لكم بطول العمر / عبدالرحمن مال الله الخالدي

مملكة البحرين

[راكان اليامي]

دنيا اظلمتني واطحنت قلبي رحاها
اجعلت قلبي يتشكى من الهوى لذيّه وذيه


صح الله لسانك


ومصافحه اولى موفقه يالخالدي

[فيصل بن حجرف]

السلام عليكم

الأخ عبدالرحمن مال الله الخالدي
اول شي نرحب فيك في منتداك
ونقول لك صح لسانك على القصيده الأكثر من رائعه
ونتمنى ان حنا نشوف المزيد من ابداعاتك الشعريه

تحياتي

[سلطان بن جفن]

خلها قصه غريبه ...مبهمه للي قراها
خل انا وانت نتكلم في معانيها الخفيه
شفت ناسٍ في زماني تشبه الكلب بـوفاها
اذلل واتخوضع لجل هي تصبح وفيه
الله وكبر على الابداع
جميل كل شاعر يتكلم عن الجرح
وهذ زميلي الشاعر الفذ
عبدرالرحمن الخالدي
يلامسح كل جرح جديد بقصيدته الجميله


اخوك سلطان

[هند]

الأخ القدير ( عبد الرحمن الخالدي )
صــــح لسانك ولاهنت

بداية رائعـــة



الســـؤدد

[مـحمـد]

السلام عليكم

الأخ عبدالرحمن مال الله الخالدي
اول شي نرحب فيك في منتداك
ونقول لك صح لسانك على القصيده الأكثر من رائعه
ونتمنى ان حنا نشوف المزيد من ابداعاتك الشعريه

تحياتي

[عبدالرحمن الخالدي]

الاخ الغالي راكان اليامي

اكبر الشرف طال عمرك


مرورك المهيب على قصيدتي المتواضعه


ولي الشرف بالتواجد في منتدى يجتمع فيه اخواني واحبائي العجمان


لك الود والتحيه طال عمرك

[وردة&العجمان]

الوفا ماهو ب ذل النفس للي ما بغاها
الوفا عز النفوس الطيبه دون الرديه

دام قدري بالثريا ....وقدرهم باسفل ثراها
ما عليّه.....ما عليّه... من بقايا البرمكيه



صححح الساااانك الف ولا هنت


وردة&العجمان