ردودكم راح تحمل كثير من الأجوبه المفقوده(اخليكم مع الموضوع )

[الخيال الحر]

إخواني اخواتى السلام عليكم ورحمة الله وبركاته.....
مساكم الله بالخير ... أول شي اسمحولي أقول لكم أن منتدى قبيله العجمان يملك أقلام وأفكار قويه تجعل اللي يفكر أنه يطرح موضوع يتردد الف مره قبل... يتردد عشان يجد اللغة الراقيه المناسبه اللي يخاطب بها رقيكم ووعيكم .. وأنا أتشرف أكون واحد من هذه الأقلام.

في البدايه اذا تسمحون ودي ندردش شوي عن حاجتين : الفكر – القيمه الذاتية للشخصأحنا كشباب نعاني من مشاكل كثيره منّا الطالب اللي يبي ينهي دراسته والجامعي اللي تخرج وما حصل وظيفه أو اشتغل في مكان ما يرضي طموحه, أو حتى اللي ضيع كثير من الفرص ويمكن يرى نفسه أقل حظ من غيره هذا طبعاً غير مشاكلنا العاطفيه وتدهور حال امتنا.... كلنا بمختلف توجهاتنا:

السؤال الأول: أختي الغاليه .. أخي الغالي هل تعتقد أنك تملك فكر و توجه معين على أساسه انت راسم طريق لحياتك؟ ما هو مفهوم الفكر أصلاً وكيف يؤثر على تعاطيك مع أحداث يومك سواء بالمنتدى أو بالبيت أو حتى بالشارع؟

المحور الثاني حول القيمه الذاتية لكل واحد فينا ... زي ما نعرف أن الانسان صغير جدا بشكل واضح ... أقصد من أنا أو أنت أو ما تأثيرنا وسط بشر يقدر عددهم بالمليارات نسمه... والسوق فيه قاعده تقول: ان الشي اذا صار كثير تواجده يقل سعره .... أنا عارف ان احنا مو في صدد البيع او الشراء لكن .. في ناس ترى أن قيمة الشخص تنعكس على مظهره " ملابسه – الساعه – الفستان – السياره – وغيره وناس ترى قيمتها في انتاجها سواء كان ادبي او فني او غيره وناس مكتئبه لا تعرف قيمة نفسها وتلقاهم يضيعون انفسهم

السؤال الثاني: اخى اختى كيف تعطي نفسك القيمة التي تناسبها وترضيك؟ والأهم من ذلك كيف تقنع من حولك أنهم يعاملونك على هذا الأساس؟

يهمني رايكم لأن حسب وعيكم اللي لمسته من المواضيع اللي قريتها وشاركت فيها ...ردودكم راح تحمل كثير من الأجوبه المفقوده

منقـــــــــــــــــــــــول (بعد التعديل

)

[دااانة البحرين]

السلام عليكم ورحمة الله وبركاته


تسلم اخوي على هالموضوع والطرح الحلو

احب هالسوالف
يله اتفلسف هالحزه شويه

السؤال الأول: أختي الغاليه .. أخي الغالي هل تعتقد أنك تملك فكر و توجه معين على أساسه انت راسم طريق لحياتك؟ ما هو مفهوم الفكر أصلاً وكيف يؤثر على تعاطيك مع أحداث يومك سواء بالمنتدى أو بالبيت أو حتى بالشارع؟


حاليا راسمه كل شي بس القدر موقف كل شي
يعني مخليتها على الله
متى ما الله راد حققت اهدافي
واكيد فكري يأثر بتعاملاتي بحالتي النفسيه بكل شي


المحور الثاني حول القيمه الذاتية لكل واحد فينا ... زي ما نعرف أن الانسان صغير جدا بشكل واضح ... .. في ناس ترى أن قيمة الشخص تنعكس على مظهره " ملابسه – الساعه – الفستان – السياره – وغيره وناس ترى قيمتها في انتاجها سواء كان ادبي او فني او غيره وناس مكتئبه لا تعرف قيمة نفسها وتلقاهم يضيعون انفسهم


الواحد او الوحده اهي اللي تقيم نفسها ودام الله ماعطيني النعمه ليش ماطلعها الله يحب يشوف نعمته على عبده


السؤال الثاني: اخى اختى كيف تعطي نفسك القيمة التي تناسبها وترضيك؟ والأهم من ذلك كيف تقنع من حولك أنهم يعاملونك على هذا الأساس؟

كل واحد عنده فلسفه مع نفسه بيده يصعبها وبيدها يسهلها
يعني
متى ماكان الواحد متوافق مع نفسه وفاهم نفسه
انعكس على شخصيته وبالتالي على علاقاته الخارجيه
>> حبة فلسفه طوفهااااااااااا

وبالنهايه
ارضاء الناس غايه لاتدرك
حب نفسك عشان الناس تحبك


وتسلم اخوي على الموضوع اللي عجبني وااااااايد
تقبل مروري انا وفلسفتي اختك دااانة البحرين

[الخيال الحر]

كل الشكر الجميل
\والاحترام لك اختى دانه البحرين
على هاااا المرور اللى اتشرف
فيه ولك الاحترام مره ثانيه

[عزوف]

السؤال الأول: أختي الغاليه .. أخي الغالي هل تعتقد أنك تملك فكر و توجه معين على أساسه انت راسم طريق لحياتك؟ ما هو مفهوم الفكر أصلاً وكيف يؤثر على تعاطيك مع أحداث يومك سواء بالمنتدى أو بالبيت أو حتى بالشارع؟

نعـــــــــم اقدر اسميها قاعده وليست فكر او توجه والقاعده هي * عامل تعامل * وعلى اساسها يمشي يومي وبمعنى اصح حياتي اما سالفة المستقبل والحياه فهذا الشي الوحيد اللي ما اقدر احدده او ارسم له مسار ليش مادري يعني ماشيه على البركه

السؤال الثاني: اخى اختى كيف تعطي نفسك القيمة التي تناسبها وترضيك؟ والأهم من ذلك كيف تقنع من حولك أنهم يعاملونك على هذا الأساس؟

بسيطـــــــــه جدا احشم نفسي واجنبها درب في اخره اهانه او اساءه لي بحيث اني ما احط نفسي في مكان او موقف اسمح لغيري انه يتجرأ ويهيني وعلى قولة المثل من هانت عليه نفسه هانت على الناس

يعطيك العافيه

[الخيال الحر]

مشكور عزوف