مصافحه تقبل النقد

[سحايب يام]

السلام عليكم اخواني واخواتي انا متابعه للمنتدى منذ زمن بعيد ومعجبه بشعراء يكتبون وشاعرات يكتبن فيه

ورايكم يهمني لا اخلى ولا اعدم من استشارتكم

اضع المتواضعه بين يديكم

تولعت به والله بلاني بحبي له = وحكم الزمن خلاني امشي بلوعاته
غدر بي زماني عقب ما كنت موفي له = على القلب وقتي ياهلي شن غاراته
الا واعذابي البارحه وامس والليله = وياخوفتي من هم باكر وجياته
تحملت في دنياي حمل(ن) طفح كيله = ومن جور حملي زاد قلبي معاناته
مشيت بطريق(ن) فيه كم عثره وميله = وكم مرة(ن) حاولت تعديل ميلاته
على غير شفي من يدي ضاعت الحيله = احايل زمان(ن) طحت في حكم ويلاته
حسيبي على اللي حط في الدرب تحويله = تركت البشر من شان حبه ومرضاته
ذبحني غلاه وكثر هجره وتمثيله = وانا عاشق(ن) طبعه وكثرة مغالاته
نعم صرت احبه يوم هو فايق(ن) جيله = خذا الحسن من ربه والاخلاق من ذاته
وانا لو يطول العمر ما ارضى بتبديله = تربع بوسّط القلب وارسى محطاته

اختكم سحايب يام

[محمد المحلكم]

صح لسانك قصيده جميله

وملاحظاتي بعض الابيات ثقيله


وانتي بنت ووتتكلمين بصفة الرجال
مثل
وانا عاشق

[علي السكران]

صح لسانك وانا مع اخي محمد

القصيده فيها احساس رجولي واضح ولا توجد لمسات نسائيه نقتطفها من القصيده

واما من ناحية النقد فالقصيده جيده

[الرومنسي الحزين]

المشاركة الأصلية كتبت بواسطة محمد المحلكم

صح لسانك قصيده جميله

وملاحظاتي بعض الابيات ثقيله


وانتي بنت ووتتكلمين بصفة الرجال
مثل
وانا عاشق

ذبحني غلاه وكثـر هجـره وتمثيلـه
وانا عاشق(ن) طبعه وكثـرة مغالاتـه

القصيده جميله بالفكر والمعنى

وما بها شيبه

اخوي المحلكم
اقرا البيت مره اخرى بشويش

تفهم المعنى

ونا عاشق ن طبعه
هنا مربط الفرس

وسحايب ما قصرت

الى الامام اختي
عفاك الله

[محمدالعمار]

قصيده مكانها في نبض المشاعر وليس هنا

[المارد الشعري]

نعم صرت احبه يوم هو فايق(ن) جيله
خذا الحسن من ربه والاخلاق من ذاته


القصيده فيها حس رجولي مثل ماقال السكران واللي قبله

القصيده خاليه من الكيسترول الانثوي

ولكن القصيده ممتازه والي الامام ياسحايب

صح السانش

[الاحرش]

صح الله لسانك

[فيصل ال رشيد]

صح السانش