علقتني في غيابك خوش تعليقه .. قصيدة الضيقه

[مرقاب]

السلام عليكم ورحمة الله وبركاته

قصيدة الضيقه

أمن الوله خاطري في غيبتك ضايق = والضيق حمله ثقيل ولا أقدر أطيقه

والضيق ماهو على ياصاحبي لايق = ماني متعود أعيش الوقت في ضيقه

وانا الذي جيت لك لمحبتك تايق = ياحلمي اللي صعب وياي تحقيقه

ياكثر ماشتاق لك والشوق لك شايق = من كثر ماشتاق لك شوقي نشف ريقه

تنام ليلك وانا في ليلتي فايق = لو كنت مثلي سهرت الليل وتفيقه

لو كنت ذايق مثل ماصاحبك ذايق = فتحت باب الوصل من بعد تغليقه

شفني مابين الرجا والياس متضايق = علقتني في غيابك خوش تعليقه

لو كنت في غيبتك ياصاحبي رايق = ماكان غنا على حزني طواريقه

والحين وان كنت منت لحالتي ضايق = الله حسيبك .. بعيش الوقت في ضيقه

[اَلَدَيَــــمَ]

صح ذوووووقك
ولاهنت

[عيون الطنايا]

لاهنت على الطرح ؟؟
ويسلموووو ..
وننتظر جديدك ؟؟

[غنآتي]

صــــــح لسانك لاهنت ..

[الاحرش]

صح لسان شاعرها وناقلها

ولاهنت على النقل

تقبل مروري

[خالد بن نفل]

صح لسانك
ولاهنت على الذوق الرائع

[ابو شقره]

صح لسانك

[عاشق الصرار]

الله اله احترت وايش اختار من البيات كلها ابداع وفالك المليون

[عجميه ما تهاب]

صح السانك تقبل تحياتي

[مرقاب]

صح بدنكم مشكورين علي الحضور الجميل


وتقبلوا تحياتي