زوجه على فراش الموت

[سمو الامير]

هذي قصيدة قالتها واحده لزوجها قبل وفاتها بساعات، غفر الله لها ولإموات المسلمين، وصيتها بالقصيده طيبه،،

ترى الذبايح و أهلها ما تسليني .... = أنا أدري إن المرض لا يمكن علاجه

أدري تبي راحتي لايا بعد عيني .... = حرام ما قصرت يديك في حاجه

أخذ وصاتي وأمانه لا تبكيني .... = لو كان لك خاطرٍ ما ودي إزعاجه

أبيك في يديك تشهدني وتسقيني .... = أمانتك لا يجي جسمي بثلاجه

لف الكفن في يديك وضف رجليني ....= ما غيرك أحدٍ كشف حسناه واحراجه

أبيك بالخير تذكرني وتطريني ..... = يجيرني خالقي من نار وهاجه

سامح على اللي جرى ما بينك وبيني ..... =أيام نمشي عدل وأيام منعاجه

همي عيالي وأنا اللي فيْ ..كافيني ..... = علمهم الدين تفسيره ومنهاجه

[راكان اليامي]

صح لسانك ياسمو الامير
والض

[حبيب]

سموالامير

لاهنت على الاختيار الموفق

قصيده معبره الله يرحم قايلتها
سامح على اللي جرى ما بينك وبيني .....
أيام نمشي عدل وأيام منعاجه

ولاهنت وننتظر منك المزيد

وتقبل تحياتي

[راكان اليامي]

صح لسانك ياسمو الامير
والضاهر ان انها للشاعره عابرة سبيل

[سمو الامير]

صح بدنك ياراكان

والظاهر ان القصيده لعابره بس انا ماني متأكد

ومشكور على المرور

[سمو الامير]

ارحب ياحبيب


والله لايهينك على المرور والتعليق

[هند]

سامح على اللي جرى ما بينك وبيني ..... أيام نمشي عدل وأيام منعاجه


صح لسانك سمو الأمير
يعطيك العافية على هذه الأبيات المؤثرة


لك تقديري
السؤدد

[سياتل]

قصيده رائعه واختيار موفق اخوي تستاهل التثبيت

اخوك سياتل

[سمو الامير]

صح بدنك اختي السؤدد
والله يعافيك
ومشكوره على المرور

[سمو الامير]

لاهنت اخوي سياتل على التثبيت

ومشكور على المرور والاطراء


اخوك
سمو الامير