فيـك اعتزاز بــدوي وفيك طيبــة حظـر !

[غنآتي]

ياليتني عقب ماضفتك عطيتـك حظـر
و ليت عِرفي معك بحدود ماسنجركْ!!

ماكان شفت التّهايم والطّعون الخضـر
منّك..ولوكنت دايـم تعتـذر وأعـذركْ

لك صاحبٍ لاطلب فزعة قصيده حضر
ياما فعل بالشّعر لجلـك ويامـا تـركْ

فيك إعتزاز إبدويّ وفيك طيبة حضـر
مـرات ياطيبك/ومـرات يامقشـركْ!!

صوتك عذاب الأِذن/شوفك عذاب النّظر
لبّيـه ياصوتك/ولبّـيـه يامنـظـركْ

بعطيك قلـبٍ مسالم..ينفـع ولايضـر
تامـر وتنهـاه ويلبّيـلـك أوامــركْ

إمن أولٍ مدْهر وجيته وصار آخضـر
فاضت عروقه وسالت يوم هلّ إمطركْ

لاغبت ياشينك/ولاجيت (كلّـك نظـر)
خلّ المواصل يصير..(العامل المُشتركْ)

إسمع وصاتي وأنا قبل الممات أحتضر
بوصيك وأطلبْك طلبه دامنـي خابـركْ

أبنتظـر شوفتك..لوطوَّلتْ..بنتـظـر
وإن متّ وزّعني(إبقلبك وموق إنظركْ)