قصيدة القساوه

[فارس من فرسان عوازم]

علموك القساوه وانت طبعك حنون

ياترا كيف تجرح بالهوا من هواك


عقب ماني بغالي صار دمعي يهون

ليه ترخص دموع اللي عيونه فداك


ليه تطعن خفوق عذبته الطعون

الف جرح تركته بالحشا ماكفاك


لاحصل منك جرح اقول عادي تمون

لعنبوها ميانه يالغلى وش بلاك


كنت اخر حبيب وكنت اول جنون

وكنت أراهن بحبك لا وأدور رضاك


عقب ما أنت بضنيني خابت إبك الضنون

بعت منهو ترك كل العباد وشراك


وعقب ماني زبونك صار غيري زبون

وعقب ماني حبيبك بعتني لجل ذاك


وأنت عيشتني حب وغرام وشجون

وانتها بي طريقي في شباك الهلاك


كنت دوم ارفعك وأقدرك وأنت دون

لين ماجيت عندي إرتفع مستواك &&&






وسلامتكم ارجو ان تنال اعجابكم

ولاتنسونا بردودكم الطيبه