انت ياللي محرقٍ قلبي احراقي ... لك ثلاث شهور والروح محرقها
كان قصدك تجرح القلب بفراقي ... ان تبعتك نفسي الله يزهقها
كان قصدك صورتك مالها باقي ... صورتك بيدي قبل امس محرقها
شلت انا ذكراك من داخل اعماقي ... شلت ذكرى كنت ليه ملفقها
روح يالغدار دام العقل فاقي ... روح روحة من غدت في مسابقها
أو روحت من غدى بارض العراقي ... جاليٍ عامين والأم فارقها
فارق الاخوان مع نشف الارياقي ... فارق العزوه ومن كان يعشقها
إنحكم باعدام قاتل ولاانساقي ... مالقى اللي يشري النفس يعتقها
روح خله ينفعك لف الاسواقي .... والعباه اللي على الصدر فاتقها
انت يالخوان بادي وسباقي ... من بدت بالغدر ماني مرافقها
شوف راعي الغدر ماعاد ينطاقي ... لونظرت عين ماني بطايقها
ادري انك ضايق الصدر مشتاقي ... ولاجداك الا الاصابع تطققها
رح لقينا غيرك انسان ذواقي ... قالت انت الحب والحب مغرقها
رح مبي من حبها كذب وانفاقي ... رح لقيت اللي تبيني وعاشقها
حبك العارض لنا لحظه اشهاقي ... جغمه من الماء تضيع مشاهقها
كان فكرت الصدر عقبكم ضاقي ... لاوربي تو تشرق مشارقها
وسلآلآمتكم
العرض الشجري