السلام عليكم
اليوم كنت اتصفح موقع كويتي وشفت القصة الغريبة هذي وصراحة تعقدت منها مدري هي صدق او كذب وقلت انقلها لكم بالحرف الواحد
تقول كاتبة القصة:
السلام عليكم و الرحمه اول شي اعرفكم بنفسي آنه سوووسه اكيد نص الي يدخلون هالموقع اعرفوني زين و اقولكم ظروفي عشان تحددون موقفي من القصه او الحال الي انه عايشته الحين 000 اهي قصه عائليه شوي , الله يسلمكم انه عندي الوالد من قبل جم سنه يعني قبل لا اكون انه موجوده بهالدنيا اهو احب اسافر وايد و سفره من سفراته تعرف علا وحده لبنانيه بلبنان و بعد قصة حب طويله قرر انه يتزوجها و فعلا تزوجها بس شرط عليها انه ما يبي عيال منها و في الوقت الي اهي تحمل فيه تعتبر نفسها مطلقه علا طوووول المهم بعد سنه من الزواج تقريبا امي حملت فيني و طبعا خالفت الشرط فطلقها مثل ما وعدها و كل واحد راح علا ديرته اهو ابوي كويتي المهم ما اطول عليكم عشت مع امي بلبنان 16 سنه و طبعا ولا بحياتي شفت ابوي ولا اعرف شكله الا من الصور الي عند امي طبعا تعرفون الناس بلبنان اكثرهم مو مسلمين مسيحيين فآنه شي طبيعي راح اكون مثلهم و علا ديانتهم الي اهم اهل امي و صرت اروح الكنيسه و صار
شي عادي لاني عايشه معاهم و فجأه بيوم من الايام رن تلفون البيت ولا ابوي اهو متصل علينا شي غريب حييييل اول مره اسمع فيها صوت ابوي المهم كلم امي و قالها انه يبي اشوفني و جذي و انه بنته و له الحق انه يشوفني سوالي كرت زياره رحت بروحي طبعا ييت الكويت علا اساس انه بعد فتره معينه يعني بالكثير اسبوع و برجع لبنان و خلص الاسبوع و يا الاسبوع الثاني و ما رديت حق امي لما كلمته قلتله متى اسافر جان اقولي كلام من قوته بغيت اموووووت قالي لو شي صير روحه علا بيروت مافي ابي احرق قلب امج مثل ما حرقت قلبي طول هالسنين انه طبعا ما استوعبت اني راح اعيش باجي حياتي من غير امي المهم طبعا اهل ابوي ما يواطنوني كلش ولا اعرف ولا واحد فيهم لانهم ما كانو راظيين انه ابوي ياخذ وحده لبنانيه و عشت في بيت ابوي 3 سنوات ليلحين يعني عمري صار 19 و قلبي متقطع علا امي والهانه عليهااااا بس شسوي ها قدري و بيت ابوي بالعديليه كل ما اقوله او اييبله طاري السفر او امي اقولي شتبين بامج انه مخليلج البيت جنه حمام سباحه و اسكواش و سياره الي تبينها و مادري شنو والله انه كل هذا ما همني المهم اني اشوف امي اهي تسوى عندي الدنيا و مافيها , طبعا الحين لكا ييت الكويت كملت الثنويه هني يعني الي معاي بالمدرسه كلهم مسلمين و انه غير عنهم و درت مادة الاسلاميه و عرفت الدين عدل و القرآن و الصلاة و حبيت هالدين وايد و حسيت انه راح تنحل كل اموري لو مشيت بهالدين و طبقت كل الي فيه لكن احس انه في شي يمنعني او اقولي لا اولا اني انه تربيت و كبرت مسيحيه علا دين امي شلون جذي فجاه اصير من المسلمين شي صعب وايد و مشالله علا والوالد اربعه و عشرين ساعه بره البيت و اذا رد سكران طيييينه ما يدري وين الله قاطه , مادري احس ودي ادخل هالدين بس ما عندي احد اوجهني او اقولي هذا غلط و هذا صح كل الي ابيه اسويه عندي كل شي عاديبس احس انه حياتي مخربطه و في اشياء وايد لازم تتصلح 0000, سامحوني طولت عليكم شوي بالحجي بس شسوي الواحد اذا ما يتكلم و يفظفظ عن نفسه ما يقدر اعييييش 0"
04-10-2004, 06:38 PM
العرض العادي
