السلام عليكم
لكم مني اجمل تحيه
والمتواضعه اتمني
تنال اعجابكم
القلب مـن كثـرة التفكيـر ملتاعـي
والعين من نومها تطـرد وممنوعـه
هـمً يقفـي وهـم جـاي فـزاعـي
ماهمها اللا تحـوس القلـب وتلوعـه
فالصبح تسرح وترجع مالها راعـي
وباليل تمرح بوسط الجاش وضلوعـه
لاجيت بين العرب جتني بـلا داعـي
اجامل وهي بوسط القلـب مزروعـه
طالت بي وطولت بهموم واوجاعـي
راحت حياتي وانا في ضيقه ولوعـه
يالله يالله ياللـي تسـمـع الـداعـي
ياعالم الحال مضمونـه وموضوعـه
انت العلي القـوي معطـي ومناعـي
وايدين عبدك لوجهـك دوم مرفوعـه
تفرج لعبدك وهو في دبرتك ساعـي
يطلب رضاك برضاه وتذرف دموعه
بامرك يكون السبب وتهون الاوضاعي
ويبين حال السعد في شكلـه ونوعـه
بامرك رفعت السماءومبسط القاعـي
لاقلت كلمتك كاف ونـون مسموعـه
اغفر لنا في نهـار فيـه الارواعـي
واكتب لنا الستر منك وهون الروعـه
26-11-2010, 08:14 PM
العرض الشجري