بسم الله الرحمن الرحيم
السلام عليكم ورحمة الله وبركاته
وبعد اهديكم قصيده جازتلي
كم لي وقلبي فيه شاعر وجمهور
صفوا كراسيهم بليا عزيمة
للهم صوت في خفوقي من اشهور
ترده جبال الجروح المقيمة
لحظة وصول الليل وموادع النور
تقول جيش مايعرف الهزيمة
ينتابني حالة من احساس واشعور
واطق باب الذكريات القديمة
وامشي وانا كني على المشي مجبور
رغم ان دروبي كلها مستقيمة
واجلس وقدامي من الناس طابور
واقوم واحمول الاماني عظيمة
عيني بدربي واكثر الناس معذور
يتعب ورى احلام الحياة العقيمة
وانا وغيري عالم نرقب الدور
ونجابه ظروف الزمان الجسيمة
حديقة الشاعر رياحين وازهور
كبرت على ساقي دموع اليتيمة
لايازمن ماعاد للجرح دكتور
موت القيم قيمة على درب قيمة
ينحر نحر دستور لعيون دستور
ويطعن ظهر شيمة علشان شيمة
لو في الزمن رحمة ولوفي الزمن جور
ماجارت اصحاب القلوب الرحيمة
قامت وفود الغش والغدر والزور
ترفع شعارات العبث والظليمة
كرامة تطبخ على نار تنور
يبرق سناها في العيون الكريمة
ومخايل قد ظللتنا من اعصور
واليوم اشوف السيل قافيه ديمة
بصدورنا شلنا محيطات وابحور
هدت عزايمنا عزيمة عزيمة
الارض ضاقت والسماريش واطيور
والوضع مزعج والسلامة غنيمة
دور البطولة بين مخرج وديكور
يرسم لنا الخنجر ودم الجريمة
مدري نحط شداد ريمة على الكور
ولانحط الكور بشداد ريمة
وشلون اجي وادمر جدار معمور
واذبح على موت اليتيمة تميمة
من عصر ابونا ادم ليانفخة الصور
والارض عرض من الخطا والشتيمة
العرض الشجري