(كرآمة محبه) !!

[فهد بن مطلق]

السلام عليكم ورحمه الله وبركاته

مآ أعتقد إن يحتآج لها مقدمه لإنها فكره فقط



صلوا على النبي

.

.

.

.

.

.

.

مع الصبح ؛ لاذعذع هوى زاكي العرقين=أصفق !! وأقول الله على الجو يآآآ زينه
هوى ريحته مآهي بـ (كآدي) ، ولا نسرين=لا والله تقول إن كنهآ حنة إيدينه
أبو طبع سمح ، وزين خلقه ، وحكي ً زين=معه جيله ينآفس بعض ! من مثل زينه
كبير بجماله والعمر ؟ مآ وصل عشرين=تقول الحلا / لا زاده ينقص إسنينه
الى من مشى مع هيبته ؟ مشيته أبزين=حريص ً من النسمه !! تميله ّ من لينه
مع ثوب ضآفي طرزته غطت الرجلين=عن عيون حسآده يحف مشي رجلينه
تجيّهلت علم الخيل والسيف أبو حدين=ولا شفتهآ الا بعد مآ بآنت أبعينه
عيونه عيون أشقر طبوعه عسير البين=الى شآف جول ً مآ يجيْ الا بثنتينه
وهو نآدر ً جنسه ولا يقبل التهجين=بطآ راعي التهجين مآ جآب تهجينه
وصوالين تجميل النسآ ما عرفها لين=كبر في حلاته !! وأصبحت موضته ؟ زينه
ولا كد شعره في جيهازً ولا تدّهين=حرير ً !! تقول إن الهوى كده إيدينه
والى من فهق في إيديّه شعره شمال يمين=ترامت على شماله قلوب وعلى يمينه
جميل ً لو إني أوصفه ؟ زدته أجنآحين=وهو يآ كبر عقله ويآ قو تمكينه
غروره يعلمك التواضع لو إنك مين=لان مظهره يعطيك نبذه لـ (تمدينه)
على القلب ينحت أسمه أبسنة السكين=وأنا من كثر مـ (أغليه) ؟ أغليت سكينه
تقول إنه ّ يجرح خآفقي من (فضآ الروتين)=ومن كثر طعنآته .. أنا صرت (روتينه)
لو يبذر أسنيني معه .. مآ نشدته وين=(كرآمة محبه) بآقيه بيني وبينه
غلاته .. في قلبي فآرقه عن غلا الغالين=وهو عين مغليني ! وأنا عين مغلينه

[[ عسّاف خيل ]]

,





وعليكم السلام ورحمة الله وبركاته
عليه الصلاه و السلام ,


أرحب يافهد
نص مليئ بـ العذوبه
مبدع الله لا يضرك
صح لسانك مدد بلا عدد !






يسسعد صباحك (:






/

[فلاح بن ملبز]

الله الله الله

صح لسانك يا فهد

ولاهنت

[محمد العزام]

حجز

لـ هكذا شعر ..

لي عوده بذن الله

[العــــديم]

لو يبذر أسنيني معه .. مآ نشدتـه ويـن
(كرآمـة محبـه) بآقيـه بينـي وبيـنـه
غلاته .. في قلبي فآرقه عن غـلا الغاليـن
وهو عين مغليني ! وأنـا عيـن مغلينـه


صح لسانك ملايين أبو مطلق
وافيه من وافي


تقبل إعجابي برائعتك

[قوت القلوب]

يـ سلآم ـــا..

صح الله لسأنك..

قصيدة رآئعة جداااً..

تسلم يمينك

لاهنت يالآمير

[جَرحْ!]

صح لسآنكْ وعلآ شَآنك

مبدع ي آخٌوي

الله يزيدكْ من هـ الإبدآع بحٌوٌر وبحٌور ..

دٌمت كمَآ تحب

[خالد بن رمثان]

غلاته .. في قلبي فآرقه عن غـلا الغاليـن
وهو عين مغليني ! وأنـا عيـن مغلينـه


ارحب يا فهد

صح الله لسانك

وافيه و جزله

فانتظار جديدك هنا ..

[وطبان]

تقول إنه ّ يجرح خآفقي من (فضآ الروتين)
ومن كثر طعنآته .. أنا صرت (روتينـه)
لو يبذر أسنيني معه .. مآ نشدتـه ويـن
(كرآمـة محبـه) بآقيـه بينـي وبيـنـه
غلاته .. في قلبي فآرقه عن غـلا الغاليـن
وهو عين مغليني ! وأنـا عيـن مغلينـه


الله الله الله الله الله يآ فهد ..

صح الله لسانك يالعود ولاهي غريبه عليك الابداع
ماشاء الله اخوك عينه بارده ترى بكرى تقول حسدني

تقبل مروري

[حفيد الجود]

صح الله لسانك يا فهد عزالله انها كايفه

لاتبطي تراك مغرور واتعبك التفكير