. . . . . . . . . . . . . . . . . . ( مديونير ) !

[[ عسّاف خيل ]]

.






السلام عليكم ورحمه الله وبركاته ,


نص لـ سعود بن مهدي العجمي ,











/

يقولون المشايخ .. مايجوز الجزم بالتفكير !
وانا بيني وبين الله ذنوبي ؟ .. وأجهل الطبعه ,


صحيح ان القصايد تختلف ؟ .. لكن هذي غير !
هذي أول قصيده قلتها ؟ .. وفي عيني الدمعه ,


انا ماني رسول الله .. عشان أجنّب التقصير !
انا عبدٍ .. يحاول ينتهج حكم الله .. و شرعه ,


إذا كثرو ( طبابيخ القصيد ) , وحرفه التعبير !
غدا الشعر ! .. وفسد طعم القصيد ؟ وضاعت الشبعه ,


اذا كان الشعر ماهو يهز القلب , والتفكير ؟
قل : لـ راعيه .. لا جا يعدّه ؟ , يعدّه على ربعه !!


انا ماني بـشاعر .. واعترف بالحق يا أهل الخير ؟
لكن فيني مشاعر ( صادقه ) , ماهي بـ مصطنعه !


كفايه !! انصفو الجمهور , ياشعّار دهن السير !
ترى الشهره ؟ مثل ( الكعكه ) , وقطعتها على قطعه


نصيحه !! وافهموها يا ولاة الامر و التدبير !
ترى كل شئ يجي بسرعه ؟ , يروح وينتهي بسرعه !


أخاف أجادل الأحمق ؟ ويصير الفرق بالتقدير !
تضيع الناس فينا ؟ .. وكلٍ يميّز على طبعه ,


الا ياوجد حالي .. كل ماجيت المكان , عصير !
تذكرّت ( اللقا ) .. إلي كان من جمعه إلى جمعه ,


وجودي يارفيقي مثل ( . . . . . . . . ) !!
لاهي ماتت ؟ ولا ردّت , وبـ المكتوب مقتنعه !


تخيّل ان معك شمعه ؟ وتمشي والمطر غزير !
ولازم ينتهي ممشاك .. دون ان تنطفي الشمعه ؟


إذا به ؟ مليونير الهم .. انا بـ الهم ( مديونير ) !
انا أتسلّف هموم الناس ؟ وآخذها بلا رجعـه ,


وش أحلا من كذا مديون ؟ وش أحلى من كذا تصوير ؟
وش أقسى من كذا جرح ؟ وش أقسى من كذا دمعه ,


عليك الله أكبر !! ياخفوق تعشق التعزير !
تحب الي يبي يضرك ؟ وتعطي غيرك النفعه ,


تعالو !! ( يا فلاسفه العرب ) قبل العقول تطير ؟
أبي لي جملتين ؟ : وافيه , سهله ؟ وممتنعه !


مادام التضحيه : عطاء مطلق يرفض التبرير ؟
أجل ليه ( الخيانه ) في مداينها ؟ لها قلعه ,


ومادام ان المره : مخلوق ما يقدر على التغيير ؟
أجل ليه الوفا ؟ في مملكتها .. مالها سِلعه !


نطق ( شيطان صدري ) .. وإرتمى في وادي التفكير !
يوسوس له بيوته ؟ لا حسب مُنكر , ولا بِدعه


ألا يا ( سخريه الاقدار ) وش هو عاد لي بيصير ؟
قهرتيني .. وانا اللي مابقالي بالعمر .. طمعه ,


الامن جاتك الصدمات من ربعك ؟ لها تفسير !!
لكن لا جات من غاليك ؟ جاتك كنّها ( صفعه ) ,


فهمت الحين : وش معنى القلوب الي تعرف تغير !
وعرفت إن : ( دمعه التمساح ) , ( تشبه ضحكه الضبعه ) !!

وطوله أعماركم .