.. ( ما حبّت ( الشعر ) الا يوم حبّتني ..! ) ..

[@ فــهــد @]

*













ما عذّب الشاعـر إلا .. كثـرة ذنوبـه ..
.............. وما عاد باقي ذنوب .. يشيلهـا متنـي ..!
شاعر يعوض قصوره .. طيبـة أسلوبـه ..
.............. وأخاف من ناس تظحك لي .. وتبهتنـي ..!
أشيل همّ الرفيق .. إنْ ضاق بـه ثوبـه ..
.............. ومالي سوى رجلي إليا ضقت : شالتني ..!
وأحـنّ للغالـي اللـي ماتـت هبوبـه ..
.............. كم ودّي يعيش بي .. وأقول له : مِتنـي ..!
يا كم بكيت .. ودموع العين محسوبـه ..
.............. وما عاد باقي سـوى دمعـه وسالتنـي ..!
( إنسان ) يملك شعور وشعر وعذوبـه ..
.............. ( ثلاثـةٍ ) لا جفيـت النـاس غنّتنـي ..!
قصايدٍ من صميـم القلـب .. مكتوبـه ..
.............. أعزّها .. وفي قلـوب النـاس عزّتنـي ..!
ولا غاب شمسي .. وطال الليل وشبوبـه
.............. وأجناس تشتاق لي .. وأجناس خلتنـي ..!
أحَبّهم .. لقمـة إحساسـي ومشروبـه ..
.............. اللي ليـا جيتهـا .. مهمـوم نسّتنـي ..!
تشتاق لي بـ( ودّ ) ما تشتاق مغصوبـه ..
.............. ولا غبت عنها ( ثلاث ساعات ) لامتني ..!
يجرحني الوقت .. وأبكي منْـه .. وأتوبـه
.............. ولا أخبرها جرحت قلبـي .. وبكتنـي ..!
هي عوضتني .. عن اللي ( كانت أكذوبه ..
.............. وكنت أعتبرها مثل فرصـه وفاتتنـي ) ..!
أحبّها حـبّ أخـاف الخلـق يدروبـه ..
.............. وأبرره .. لـو حلـوق الخلـق طالتنـي :
محبوبتـي ( تختلـف ) عـن كـل محبوبـه
.............. بـلسانها العذب لا إسترسل وسكتنـي ..!
( الجادل الذرب ) ولا ( الفاتن العوبـه )..
.............. هيْ هيّ لا روّحت .. هيْ هيّ لا جتني ..!
ألباب مذهولـةٍ .. وأريـاق منكوبـه ..
.............. مرت عليهم .. وجات ومـا تعدّتنـي ..!
سبع العجايب ( أنا ) بأزيدها أعجوبـه ..
.............. جابتني أكتـاف .. والأقـدام ودّتنـي ..!
تعشق أبو نوره .. وفـي صوتـه تذوبـه ..
.............. ومن حبها له عشقتـه .. ولا تمالتنـي ..!
وتكره دروب ( الشعر ) لا شافت دروبه ..
.............. وما حبّت ( الشعر ) الا يـوم حبّتنـي ..!













*