يقلوووون الطول عز

[الخريف]

الطويل والقصير واللي راح أخوض في هالمقالة وببدا أتكلم عن طويلين القامه مع احترامي الشديد لهم واتمنى مايزعجهم المقال لأني وربي ماقصد نغزه عليهم فيها .
المهم ان طويل القامه شايفن حاله ولا الومه لأنه الوحيد اللي ربي عطاه مساحه بين الارض والسما تشوف راسه في براحه من الفضا «فديت القصار لاقلت لهم الطول ازين قال القصر ازين على الاقل لاطحت لينك قريب من الارض» المهم ان الطويل نادر ما تشوف التواضع منه ولا الومه وش يتواضع عليه حتى لو انا منه ماعطي وجه الا اللي قدام عيني منيب فاضي لاكلمني احد ولا بغا يسلم اكندس، على كذا الدسك ماهوب ملحق «الله يذكر واحد من الشباب كل ماجيته يقول الله يعيني على السلام يقولي تكفا تعال وخلني اسلم عليك اربع سنين مقدم من كثر مايكندس عشان يسلم علي حسبي الله عليه طوله ماهوب طبيعي مرات اسئله انت تلبس كعب؟ قال ليه شايفني حرمه؟ قلت اعوذ بالله اصلا لو انا عندي محلات جزم وجايني تبي كعب عطيتك كعب عشره صانتي تحت الارض» المهم طويل لي قصه طويله معه عانيت كثير كل ربعي طول ولا رحت معهم في سفر ولا في مكان مرات كثيره ابعد عنهم عشره متر لاصارو يمشون عشان مايحبوني اللي يشيل لهم الصندل ولا سكنا في فندق لحالنا كنت اتجنب النوم جمنبهم على السرير لا واحد فيهم يلف رجله وتدخل في حلقي من طولها «نعنبو دارهم ماهيب رجل ذي مرات تظن ان اهاليهم كانو يعلقون بين رجيلهم وهم صغار مغاط قمصان الله يسامح امي كانت دايم تشيلني سرندلات الغاز» ولاشفت الطويل متورط ووجه يقلب الاوان واشكال اعرف انه توه مخلص من عيادي البزران وبوسهم ولا شفته مبسوط اعرف انه خذ خطا في السما وبدا يعبر عن مشاعره فوق.
والطويل يواجه مشاكل زيه زي الدب بالظبط بالكاد يحصل شي قده خاصه الجزم تكرمون ولا هوب شرط انه مرتفع لأنه ما هوب حاجه حسبي الله عليه بس المهم انه يكون طويل و انا كنت اسميها مع أصحابي جزم تكرمون سلق تسبق راعيها بمترين قدام وأكثر ما يعاني الطويل من الأشياء اللي تطيح منه يوه كنهم ماسكينه تحت واحد من هالكباري سته عاطلين عن العمل ودابغينه لين يحسسونه ان الطول ماله علاقه بالتضخم ولا بنزول سعر البترول ولا بغزو أمريكا لليابان ولا نقص نقاط بيع الشعير في النعيريه ..المهم ان الطويل يحسدونه فديت قلبه وهو مسيكين وده ينزل اربعين سانتي عشان يقدر يدخل ايده في مخباه التحتي وهو مرتاح «طبعا الطوال مالهم علاقة بفكرة أهم شيء الأخلاق ولا عمرهم سوقو لها مرتاحين جعل روسهم ماتخطي عتبة البيبان من فوق» ولا جينا للقصار ولا انهم مزين منهم يهبلون فديت قلوبهم مرتاحين من كل شيء خاصة في داخل السيارة ما يحسبون حسبة السيارات اللي ينزل كرسيها ويطلع بالأزرار كل شين ماشي معهم ويازينهم لاعرسو البشوت تجي على المقاس مايبقا قرطاس ولا رزمة جت ولا فتات خشب إلا وهي تزحف مع البشت مايجي مقابل العروس إلا وهو ساحب الزريبه معه من قصره والقصير طبعا يعني زيه زي الطويل خاصه لابغا يفتش عن شيء فوق الدواليب ماتبقا طاسه ولا كنبه ما يركبها «أنا اللهم لك الحمد مرتاح معي الراجح في المكتب وكل مابغيت شيء من فوق الدولاب جابه لي وهو جالس على ركبته».
ومن المواقف اللي ضايقت بعض مشاهير الطول يقول الرئيس الأمريكي الطويل بيل كلينتون انه أتعب زياره له كانت زيارته السياحيه لتايلند «لام الله من لامه كانو يسلمون عليه من فوق البلكونات ويالله يلحقون على طرف لحيته» وانه عانا كثير من التنقل بس أحلى مافي زيارته انه كان يشوف الدشوش فوق السطوح وهو يمشي ومتطمن انها كلها صناعة امريكية وكانوا التايلنديين من عرفو انه في زيارة لتايلند من زود الستر عند بناتهم يسكرون ستاير غرفهم خايف لايطل في داخل الغرف ويكشف سترهم خاصة اللي ساكنين بالدور الثاني .
قبل أختم الموضوع ودي أقول للطويل الله يستر عليك ويعينك الله على اللي تشوفه فوق تاركن وجهك عرضه للعج والغبار ومشاهد مباريات الدوري من خارج الأستاد لكن تحمد الله غيرك يموت .على ربع متر زياده يوصل ابها خشت مرته عشان يرقعها كف.
واقول للقصير الله يعينك ادري انك ضايق صدرك ان الطويل قايم حظه عندنا وان بناتنا يفضلون الزواج من الطويل والنحيف اكثر منك بس اللي انت منت عارفه ان القصير الطلب عليه بالمكسيك اكثر من خمسين مليون بنت مكسيكيه يقولون في المكسيك من تشوفك قصير صفطتك في شنطنها وقالت هذا حقي لحد يقربه من كثرهن وسع صدرك فديت خشتك بالناقص بناتنا من زينهن القهر يتشرطن بالطول ولا شفتهم من قصرهم تحسبهم بزرانهم .


مع اجمل التحيات

اخوكم دموع الشــــــــــــــــــــــــــــوق

[عريبة الجدين]

..يقولك الطول هيبه والقصر خيبه ..

ويقولك بعد القصر حكمه ...
على فكره ابو الطيب المتنبي قصير والحجاج برضو قصير ..يعني عادي يا القصار لا تحزنووووووووون ..

مشكوور دموع الشوق على نقلك للموضوع الخفيف .. واعتقد انها من كتابات رفيع الشان ..الي انا ابصم بالعشره انه عجمي

[cool]

السلاااام عليكم ورحمة الله وبركاااته

تسلم دموووع الشوووق على نقل المووضووع والله يعطيك العاااافيه .

يعني الطوول زين بعض الوقت والقصر نفس الشي بس اذا صااار الوااحد نص ونص

زين يعني مع الناااس العاادين والخلقه من الله والحمد لله على كل شي .


كـووول

[الخريف]

مشكورين عريبة الجدين وانا اكد على الشك
وترى رفيع الشان عجمي وتسلمين00000

كووول اكيد الحمد الله على كل حال
بس ترى الطول واجد والقصر واجد موب زين
يعطيكم العافيه

[راكان اليامي]

الطول عز انا اشهد

والطول يجيب العافيه زريف الطول

اشكرك على المشاركه

[Дήα$тαziα]

ههههههههههههههه

يؤؤؤؤه من طوولي كرهت الطوووول<<نصاابه بعينهاااا

انا اقـــــــــــــــــــــول القــــصر غـــــــــــــــــــز

وطــــول مب شين

لاهنت علي المووضوع

وتقبل مروري (الطويله بسـ..قصيره)

[سالم بن فراس]

السلام عليكم ورحمة الله وبركاته ,,,


الله يعطيك العافيه على الموضوع



ولا هنت

[باهى الخد]

يقولون كل طويل اهبل,, وكل قصير خبيث, نسمعها دايما,, والحمد لله انا بالمنتصف, يعنى جامع هبال على خباثه, الله يرحم حالى>>>>>>>

[مـزعـّلـة ـآلـنـسآـآ]

السلام عليكم ورحمة الله وبركاته

لبى الطول وبـس

< أقصر طويله ,, يآ عيني يآ عيني ...


أشكركـ ع الموضوع .. يآ دموع الشوق ( ربعي يآمـ )

[الزين يفرض نفسهـ]

والله معد درينا وين نغدي لكمــ




الطـــول هبالهـ وعنــآآ


وان جــآك قصير خبيث ومليعين وملكع>> يــآآآو منــهـااا تزود العيار على القزامـــهـ



//ان بغيت الحق//


انــآ معــ اللـــي يقــول ان الطــول عز وهيبهـ ...والقصــر قصاصهـ وخيبهـ


والافضــل انك ماتغــدي عمـــلاق واللي يبعد الف ميل يشوفكـ


ولاتغــدي قصاصهـ مبحتر ماتحتــال تسلم ع العـرب لاقبلت

>>> كبديلهم اكيد انهم بيدنقون لك ويسلمون



وعـلى العمــوم خلقة ربـي ولاتغــير طويلن كنت ولامبحتر>>تسب اشكراا


لاهنت يا{ ربــعـــى يـآآم << والقف التحــيهـ