قصيدة المواساة .................

[بنت خوالها]

المواساة

لا يا هوى القلب المعنا ورجواه
لا تتركين أحد يحس بوجعنا
ما ظني أحدن يحمل اللي حملناه
حنا خلقنا والمعاناة معنا
الهم بادرنا وحنا كتمناه
والوقت شتتنا بعد ما إجتمعنا
والصبر حنا فالغرام إبتدعناه
لكن حسافه صبرنا ما نفعنا
ما مر يوم ببعدنا ما بكيناه
من ضيقنا كن الوطن ما وسعنا
لا من ذكرنا وقتنا اللي قضيناه
صحنا بعالي الصوت محدن سمعنا
الوصل درب من عنانا مشيناه
وتاليه لدروب المفارق رجعنا
يومن جزعنا من حمول المعناه
ما أحدن درى بحالنا لو جزعنا
أرواحنا تلقى بعض فالمناجاه
نبحر وننسى همنا اللي تبعنا
ما واحدن منا تنكر لمبداه
في إحساسنا ما قد شرينا وبعنا
لو غيرنا زلت به أقدامه وتاه
وأهداف عمره كلها دون معنى
حنا عرفنا الوقت فأوله وأتلاه
لو ينخدع به غيرنا ما خدعنا
ويانور عيني بادليني الموساه
يكفي ترى مما دهانا شبعنا
أرجوك كفي دمعتك وأكتمي الآه
لا تتركين أحدن يحس بوجعنا




اتمنى نال على اعجابكم ..........