الـــصوماال

[البتآآر]

بصراحة القصيدة اعجبتني وحبيت انقلها لكم


الشاعر : عبدالله الدماسي.

يالله يامجري تصاريف الايام
يا مجريٍ مزنن تبارق بماها
يالدآيم الي ماسوا عزتك دام
يا خالقن سبع الأراض وسماها
انت العزيز المقتدر مشف الاسقام
إدواك فإجناحن وفإجناح داها
يسألك من وقته ع حالته ضام
ويشكرك من زدته وسره حلاها
سبحانك انت اللي عن السر علام
يا خالقن خلقك وتعلم خفاها
اسألك ياربي من الشعر الإلهام
من دون عونك عاجزن عن بناها
يافلان دوك العلم وإنشر ع العام
ماهمني ضيق اللجان ورضاها
لعلها تاصل خفوق الذي نام
وتحرك إحساس البلاد وقراها
يا ابن آدم اسمع للخبر والخبر هام
قول النبي في ذمة اللي رواها
مايؤمن المومن ع دين الإسلام
حتى تحب النفس إلها ولأخاها
يا ابن آدم إلحق قبل لا يأتي السام
ونفسن تمنى ما يحقق مناها
يمهل ولا يهمل ولا هوب ظلام
والناس لو تعصي ما ضره عصاها
جاك الخبر وانا اشهد ان الخبر طام
وش عذرنا والروح طول عماها
وش عذركم يا أهل الدراهم والارقام
يومن تروح الروح للي براها
إخواننا الصومال بس جلد وإعظام
وإبسوسنا تشهد علينا إغذاها
الأكل يرمى في الزباله بالأكوام
وإخواننا تهلك ما تلقى عشاها
الحال هالك ما يشيلنه أقدام
وانته القدير وقدرتك في شفاها
كله آلم ما فيه موضع بلا الآم
وإنفوسنا ما غير نتبع هواها
ياكافلن رزق الأرامل والأيتام
انت الرجاء يالله وانته ذراها
ذولي عبيدك بين موتئ وصيام
وانت الرحيم ورحمتك مبتغاها
انت الكريم اهل المكارم والإكرام
عن ديرة الإسلام ترفع بلاها
من بينهم يا كم من مسلمن قام
يدعيك في ظلم اليال وعناها
يارب ترسل مزن من شرقن وشام
وتمطر عليهم لين تنبت ثراها
من بينهم مستغفرينن وصوام
وشلون تهلك نفس وانته رجاها
ذولي عبيدك بين صايم وقوام
يالعادل بعدلك تعجل قضاها
تقصيرنا فإخواننا يحسب إجرام
إن ما رحمت الحال يكثر شقاها
يا رب عفوك يومها تجف الأقلام
النفس تخطي واعترف في خطاها