وجدي لمنهو وحيد ماله اخواني=وان جا المساري هل العيرات ينسونه
وان جا نهار الرهف والبر خلوني=وان جا نهار الدفى لا بد يدعونه
أنا فدى اللي شفاني عقب ما جاني=شفيت ضمان على عد يميحونه
باركب ظهرها وخليت التمناني =وعنيتها يوم هجل اللاش مصيونه
الى ركبنا على اللي فيه ضيحاني=كنها الى صكها العرقوب مجنونه
جعله فدى اللي ظهرها اليوم سلاني=مزمومة الجنب والزغنين مدحونه
ياخال يالقرم شدوا بنت ضبياني=تقرب اللي بعيد وكثرة اشجونه
يا شوق عنز رعت في جر نجراني=هلها جنوب وحال البعد من دونه
كن سيرها يوم مرينا على العاني =كنها طموح من الخفرات مزيونه
والى بدا تختخ ما فيه علماني =كنها فريدا هل البارود يرمونه
لين خطامي الى شفت العلم باني =قدهي على السير والدرهام مشحونه
يا فاطري شبه عذرا قلبها سالي=يا شبه عذرا من الخفرات مزيونه
المرحوم الشاعر حسين بن حويل ال سالم
17-11-2004, 06:40 PM
العرض الشجري