سته بسته

[المنفرد]

سلم على اللي يعد البيت بركانه
الصاحب اللي يرد البيت ويجيبه

ارسلتها في جناح الطير جنحانه
يمه على ديرتك معه مكاتيبه

القلب مهموم لأجل العين سهرانه
بالغالي اللي على روحي اهذريبه

انا اكره الحق لامن مال ميزانه
وانا اكره الماء ليا كثرت دغاليبه

لكن عيني على فرقاه فقرانه
دايم على طول تشريقه وتغريبه

ياصاحبي هم روحي مالها خانه
غير الموالي على المشهاب يطريبه

البيت ما يندخل من غير بيبانه
سبحان خالقك حول الشك وريبه

كبدي على شوفته بالحيل ضميانه
والقلب غادي ولا ادري وش اسويبه

الغالي اللي علومه سر وامانه
كم ليلت(ن) غايب(ن) ياكبرها مصيبه

انا اعرفه من عيونه وش فبطانه
لكن حرفه ولون الحبر غاديبه

اسمع علومي يابو ممدوح ثم عانه
عساه يشبعك من خبثه ومن طيبه

ارسل رساله علي من دون عنوانه
بسطورها جايت(ن) من دون ترتيبه

تقول للي المحبه ولت ازمانه
راحت حقوقه وميت(ن) مارقيبه

الحب طفل(ن) يبيله صحب وحظانه
وفي وضعنا مالقينا له هناديبه

خربت هقاوي تبي له فحص وصيانه
وخلاق من وين اجيب اخلاق تركيبه

ماحولك اقصود يابن الناس بالعانه
لكن خوفي على راسي من الشيبه

هذي علومي يابو ممدوح بالوانه
سته بسته على مالله بلانيبه

وش حيلتي ياجزيل الشكر عرفانه
من بعد ارسلت كتبي من مكاتيبه

[سلطان ال شريد]

ارسل رساله علي من دون عنوانه
بسطورها جايت(ن) من دون ترتيبه

تقول للي المحبه ولت ازمانه
راحت حقوقه وميت(ن) مارقيبه

الحب طفل(ن) يبيله صحب وحظانه
وفي وضعنا مالقينا له هناديبه

.......

المنفرد ابدآإع في حبكه القصيده


صح لسسآإنك ملايين

يسرني ان اكون اول من رد في متصفحك ...!

[المنفرد]

سالم

اخجلت تواضعي على مرورك وحضورك في متصفحتي

واشكرك على حسن قراءتك للقصيده

ولاهنت

شرفني مرورك وردود

[الاصيله]

الغالي اللي علومه سر وامانه
كم ليلت(ن) غايب(ن) ياكبرها مصيبه

انا اعرفه من عيونه وش فبطانه
لكن حرفه ولون الحبر غاديبه
------------
تسلم ولاهنت ع القصيده الجزله

صح لسانك وع شاانك المنفرد


تحيااتي

[●• Ŝђǿǿq •●]

أبيآت جزله ..
تسلم يمينكـ ..~

[المنفرد]

الاصيله

صح بدنش ولاهنت

[المنفرد]

شوووق

لاهنتي

[علمني كيف اخليك]

كبدي على شوفته بالحيل ضميانه
والقلب غادي ولا ادري وش اسويبه

الغالي اللي علومه سر وامانه
كم ليلت(ن) غايب(ن) ياكبرها مصيبه

الله عليك ياالمنفرد أبياات جميل وروعه صح لسااانك ولاهنت

[المنفرد]

لاهني

وصح الله بدنش

نورتي متصفحتي المتواااضعه

[المنفرد]

لاهنتمممممم